सदरमुकामबाट गाउँ उक्लिएका व्यासी साैका समुदाय हिमपातले बीच बाटाेमै राेकिए

 वैशाख १९, २०८० मंगलबार १५:४०:३९ | उज्यालो सहकर्मी
unn.prixa.net

फाइल फाेटाे

दार्चुला – दार्चुला सदरमुकामबाट गाउँतर्फ उक्लिएकाे दार्चुलाको व्यासी सौका समुदायको टोली बीच बाटोमै रोकिएको छ ।

गएको आइतवार जिल्ला सदरमुकाम खलङ्गाबाट नेपाल–भारत जोड्ने झोलुङ्गे पुल भएर भारतको बाटो हुँदै छाङ्गरु र तिङ्कर गाउँ जानका लागि गएको टोली हिमपातले गर्दा बीच बाटोमै रोकिएको हो । हिमपातले सरेका सौका समुदायलाई थातथलो पुग्न समस्या भएको छ ।

यो टोली अहिले बुदी क्षेत्रमा रोकिएका व्यास गाउँपालिका–२ का वडाध्यक्ष धिरन सिंह बुढाथोकीले जानकारी दिनुभयाे । बुदीभन्दा माथिल्लो क्षेत्रमा हिमपात भएपछि सौका समुदायको टोली बीच बाटोमै रोकिएको उहाँले बताउनुभयो ।

सौका समुदाय गर्मीमा हिमाली भेग र जाडोमा बेसी क्षेत्रमा हुने बसाइँसराइलाई कुञ्चा भन्ने गर्दछन् । बाटोमा हिमपातले गर्दा मानिस र वस्तुभाउ हिँड्न सक्ने अवस्था नरहेकाले कुञ्चा बाटोमै बस्नुपरेको स्थानीयले बताएका छन् ।

सौका समुदाय हिउँदकाे छ महिना बेसी (सदरमुकाम खलङ्गा) र गर्मीयामको छ महिना व्यास (हिमाली क्षेत्र) मा बसोवास गर्ने गरेका छन् । उनीहरू खलङ्गाबाट हिँडेर पहिलो दिनमा एलागाड, दोस्रो दिन पाङ्ला, तेस्रो दिन बुदी, चौथो दिन छाङ्गरु र तिङ्कर पुग्ने गरेका छन् । उनीहरू गएको मङ्सिरमा ढोकामा ताला लगाएर सदरमुकाम खलङ्गा झरेका थिए ।

व्यास गाउँपालिका–२ का वडाध्यक्ष बुढाथोकीका अनुसार छाङ्गरुमा एक सय १० र तिङ्करमा ७० परिवारको बसोवास रहेको छ ।

अन्तिम अपडेट: माघ २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

देउवासँग कांग्रेसका मन्त्रीहरूले भने– ‘प्रधानमन्त्री ओलीसँग काम गर्दा समस्या भइरहेको छ’

२

आउँदो आइतवारदेखि अमेरिकामा आफ्नो सेवा बन्द गर्ने टिकटकको तयारी

३

आर्मीलाई ७४ रनमा अलआउट गर्दै पुलिसले जित्यो जय ट्रफीको उपाधि

४

ट्राफिक प्रहरीको उद्देश्य गाडी चालकलाई कारबाही गर्ने हाेइन : प्रमुख घिमिरे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई