वनमा आगो लगाएको आराेपमा २ जना पक्राउ

वैशाख ३१, २०८० आइतबार १७:५१:४६ | जनार्दन घिमिरे

गुल्मी – गुल्मीमा सामुदायिक वनमा आगाे लगाएकाे आराेपमा प्रहरीले दुई जनालाई पक्राउ गरेकाे छ । पक्राउ पर्नेमा इस्मा गाउँपालिका ३ का विष्णु घिमिरे र झिले कुमाल रहेका छन् ।

इस्मा–३ अन्तर्गत रिठाबोट सामुदायिक वनमा आगो लगाएको आराेपमा दुई जनालाई पक्राउ गरिएको जिल्ला प्रहरी कार्यालय गुल्मीका प्रहरी उपरीक्षक नवीन किशोर प्रधानले जानकारी दिनुभयाे ।

आगलागीका कारण आधा हेक्टर वन क्षेत्रमा रहेका विभिन्न प्रजातिका बाेटबिरुवा जलेर नष्ट भएका छन् । स्थानीयले दिएको सूचनाका आधारमा दुई जना पक्राउ परेका बताइएकाे छ ।

वन ऐन २०७६ अनुसार वन क्षेत्रमा आगलागी गर्ने व्यक्तिलाई ६० हजार रुपैयाँ जरिबाना वा तीन वर्ष कैद वा दुवै सजाय हुने प्रावधान रहेको डिभिजन वन कार्यालय गुल्मीका सहायक वन अधिकृत गोकुल कुमार सुनारले बताउनुभयाे । गएकाे दुई हप्ताअघि पनि इस्मामा जडीबुटी उद्यानमा आगो लगाएको आराेपमा डिभिजन वन कार्यालय गुल्मीले एक जनालाई पक्राउ गरेको थियो ।

गुल्मीमा यस आर्थिक वर्षमा २१ सय हेक्टर वन क्षेत्रमा आगलागी भएको र आगो निभाउने क्रममा तीन जनाकाे ज्यान गएकाे सहायक वन अधिकृत मुना शर्माले जानकारी दिनुभयाे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्