ठूला अर्थतन्त्र भएका एसियाली देशहरू घट्दो जनसङ्ख्याका कारण चिन्तामा

 जेठ ३, २०८० बुधबार १७:३९:१३ | उज्यालो सहकर्मी
unn.prixa.net

फाइल फाेटाे

एसियाका ठूला अर्थतन्त्र भएका देशहरू घट्दो जनसङ्ख्याका कारण समस्यामा पर्न थालेका छन् । बढ्दो अर्थतन्त्र र घट्दो जनसङ्ख्याका कारण ठूला अर्थतन्त्र भएका एसियाली देशहरूमा असन्तुलन देखिन थालेको बीबीसीले एक रिपोर्टमा उल्लेख गरेको छ ।

जन्मदर बढाउन ठूला अर्थतन्त्र भएका देशका सरकारहरूले अर्बाैँ डलर खर्च गरिरहेका भए पनि जन्मदर बढाउने अभियानमा अपेक्षित नतिजा आउन सकेको छैन । दक्षिण कोरियाले धेरै सन्तान जन्माउन प्रोत्साहन गर्ने कार्यक्रमका लागि गएकाे १६ वर्षमा दुई सय बिलियन अमेरिकी डलर खर्च गरिसकेको विवरण सार्वजनिक गरेको छ । जापानले कुल गार्हस्थ्य उत्पादनको दुई प्रतिशतभन्दा धेरै बजेट सन्तान जन्माउन प्रोत्साहन गर्ने कार्यक्रमका लागि छुट्याउन थालेको छ ।

यस्तै जापानको सरकारले सन् १९९० देखि धेरै सन्तान जन्माउन प्रोत्साहन गर्ने उद्देश्यले ठूलो धनराशि खर्च गरिरहेको छ । दक्षिण कोरियाले सन् २००० देखि जन्मदर बढाउन विभिन्न प्राेत्साहनका कार्यक्रम गरिरहेको छ । त्यसअघि सिङ्गापुरले सन् १९८७ मै जन्मदर बढाउने कार्यक्रम अगाडि सारेका थियो । चीनले पनि एक सन्तान नीति खारेज गरेर सन्तान जन्माउने कुरालाई प्रोत्साहन गरिरहेको छ । चीनमा अघिल्लो वर्ष गएकाे ६० वर्षपछि जन्मदर घटेको थियो । विश्वको सबैभन्दा बढी जनसङ्ख्या भएका भारत र चीन एसियामै भए पनि पछिल्लो समय एसियालीहरू बच्चा जन्माउने विषयमा उदासीन बन्दै गएका बीबीसीले जनाएको छ ।

अर्थतन्त्र उकालो लागिरहेकै बेला ढल्कँदो उमेरका नागरिकको सङ्ख्या बढ्ने र युवाको सङ्ख्या घट्नुले निकट भविष्यमै समस्या आउन सक्ने वर्ल्ड इकोनोमिक्स फोरमले सार्वजनिक गरेको दि ग्लोबल जेन्डर ग्याप प्रतिवेदनले पनि देखाएको छ ।

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई