हेवा खोलामा ह्युम पाइपले पानीको बहाव थेगेन, गाडी आउजाउ अनिश्चित

असार ११, २०८० सोमबार २०:२६:४५ | उपेन्द्र येक्तेन

पाँचथर – मेची राजमार्गअन्तर्गत हेवा खोलामा डाइभर्सन निर्माण गर्न राखिएको ह्युम पाइपले पानीको बहाव थेग्न नसकेपछि गाडी आउजाउ अनिश्चित भएको छ ।

गएकाे असार ३ गतेको बाढीले पुल बगाएपछि सडक सम्पर्क टुटेको ताप्लेजुङ र हेवाखोला पारि पाँचथरका तीन वटा पालिकाकाे गाडी आउजाउ अनिश्चित बनेको हो । आउजाउ सहज बनाउने गरी सडक डिभिजन कार्यालयले दुई दिनदेखि डाइभर्सन निर्माणको प्रयास भए पनि परिणाम आएको छैन ।

सोमवाररसम्ममा बाटो खुलाउने भन्दै सडक डिभिजन कार्यालयले एक्स्काभेटरको प्रयोग गरेर खोलामा ह्युम पाइप राखे पनि पानीको बहाव बढेपछि थेग्न नसकेको हो । छ वटामध्ये एउटा ह्युम पाइपले पानीको बहाव थेग्न नसके पनि निर्माणको काम भइरहेकाे सडक डिभिजन कार्यालय इलामका इन्जिनियर हरेराम रिमालले बताउनुभयो । बाढीले बगाएको ह्युम पाइप सोझ्याएर थप सामग्री झिकाएर कामलाई निरन्तरता दिइएको उहाँको भनाइ छ ।

बाटो खुल्ने सम्भावना नभएपछि यात्रुलाई सुरक्षित ठाउँमा जान भनिएको जिल्ला प्रहरी कार्यालय पाँचथरका प्रहरी नायब उपरीक्षक (डीएसपी) हरि खतिवडाले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्