हेवाखोलामा फेरि बाढी, डाइभर्सन र फड्के दुवैमा क्षति पुग्दा आवतजावत ठप्प

असार १४, २०८० बिहीबार १०:५८:४७ | उपेन्द्र येक्तेन

पाँचथर – पाँचथरको फिदिम नगरपालिका र हिलिहाङ गाउँपालिकाको सीमा भइ बग्ने हेवा खोलामा बाढी आउँदा डाइभर्सन र बाँसकाे फड्केमा क्षति पुगेकाे छ ।

गएराति वर्षापछि आएकाे बाढीले डाइभर्सन र बाँसकाे फड्केमा क्षति पुर्याएकाे हाे । बाढीले असर पुर्याएपछि फड्केबाट भइरहेकाे आवतजावत ठप्प छ भने पानीको सतहले डाइभर्सन पार गरेपछि मेची राजमार्ग अन्तर्गत फिदिम ताप्लेजुङ खण्डमा पुनः यातायात बन्द भएकाे छ ।

असार २ शनिवार आएकाे बाढीले हेवाखोलामा पर्ने मेची राजमार्गको माेटरेबल पुल र तमोर करिडोरको बेलीब्रिज बगाएपछि आवतजावतका लागि फड्के पुल निर्माण गरिएकाे थियाे । ताप्लेजुङ उद्योग वाणिज्य सङ्घका अध्यक्ष नारायण थापासहित व्यवसायी, नागरिक सङ्घसंस्थाका प्रतिनिधिको टोली, सुरक्षा निकायको सक्रियतामा असार ९ गते शनिवार बाँसकाे फड्के बनाइएकाे थियाे ।

यस्तै, खाेलाकाे सतह बढेपछि गाडी आवतजावतका लागि म‌ङ्गलवार अस्ति ह्युप पाइपमार्फत् पानी तर्काएर डाइभर्सन बनाइएकाे थियाे ।

डाइभर्सन बगाएपछि पाँचथरको फिदिम नगरपालिकासँग हिलिहाङ, याङवरक र ताप्लेजुङ जिल्लाको सडक सम्पर्क फेरि टुटेको छ । यसअघि पुल रहेको मेची राजमार्गमै बेलीब्रिज निर्माणका लागि संरचना निर्माणको कार्य भने असार ४ गतेदेखि भइरहेको छ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्