'प्रधानमन्त्रीले 'ब्रेकफास्ट' खानु भयाे, 'ह्यान्डसम' देखिनु भएकाे छ'

कात्तिक १३, २०७५ मंगलबार ११:०:२३ | अर्जुन पोख्रेल

काठमाडाैं – अस्वस्थ भएपछि सोमबार बिहान शिक्षण अस्पतालमा भर्ना हुनुभएका प्रधानमन्त्री केपी शर्मा ओलीको स्वास्थ्य अवस्था सामान्य रहेको चिकित्सकहरुले बताएका छन् । मंगलबार बिहान १० बजेको मेडिकल रिपोर्टमा छातीको संक्रमण कम हुँदै गएको चिकित्सकहरुले बताएका हुन् । उहाँको रक्तपरीक्षण र एक्स रेको रिपोर्ट निकै सकारात्मक देखिएको छ ।

प्रधानमन्त्री ओली निकै 'फ्रेस' देखिनुभएकाे उहाँको उपचारमा संलग्न डाक्टर अरुण सायमीले जानकारी दिनुभयो । "उहाँले आज मज्जाले ब्रेकफास्ट खानुभयो, दाह्री काटेर चिटिक्क हुनुभएको छ" डाक्टर सायमीले उज्यालो अनलाइनसँग भन्नुभयो "तपाईं त आज खुब ह्यान्डसम देखिनुभएको छ भनेर मैले त जिस्काइदिएँ, मज्जाले हास्नुभयो ।"

उहाँ बालुवाटार जान आत्तिएको भन्दै डाक्टर सायमीले अझै २ दिन अस्पतालमै राखिने जानकारी दिनुभयो । ओलीको रक्तचाप, छातीको संक्रमण, ज्वरो, खोकीलगायतका सबै समस्या कम भएको उहाँको भनाई छ ।

भेटघाटमा कन्ट्रोल

डाक्टरहरुले ओलीलाई भेट्न आउनेलाई निकै कन्ट्रोल गरिएको बताएका छन् । आफूहरु सोमबार दिउँसोदेखि ओलीको जाँच र भेटघाट नियन्त्रणमा व्यस्त रहेको उपचारमा संलग्न डाक्टर अरुण सायमीले जानकारी दिनुभयो ।

सोमबार उपराष्ट्रपति नन्दबहादुर पुन, नेकपाका अध्यक्ष प्रचण्ड, कांग्रेस सभापति शेरबहादुर देउवा, सभामुख कृष्णबहादुर महरालगायतले प्रधानमन्त्रीलाई भेटेका थिए । तर अन्य धेरै नेता भेट्न नपाई फर्किएका थिए ।

मंगलबार बिहान पनि पूर्वप्रधानमन्त्री बाबुराम भट्टराई र कांग्रेस नेता कृष्णप्रसाद सिटाैलाले ढोकाबाट मात्र ओलीसँग कुरा गरेका थिए । उहाँहरुबीच हात हल्लाउने र सामान्य ठट्यौली मात्र भएको डाक्टर सायमीले जानकारी दिनुभयो ।

'बालुवाटारमा भीड भयो भनेर हामीले अस्पताल ल्याएका हौँ, यता पनि धेरै भेटघाट हुँदा समस्या हुन्छ त्यसैले भेटघाट कन्ट्रोल गरेका छौँ ' सायमीले भन्नुभयो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्