ताप्लेजुङमा आँखा पाक्ने रोग नियन्त्रणमा आउन सकेन

भदौ ४, २०८० सोमबार २०:१३:१३ | केशवप्रसाद भट्टराई

ताप्लेजुङ – ताप्लेजुङ जिल्लामा आँखा पाक्ने रोग नियन्त्रमा आउनुको साटो अझै फैलन थालेको छ ।

जिल्लामा रोगको संक्रमण भएको तीन हप्ता भए पनि अझै नियन्त्रमा नआएको हो ।

जिल्लाका विभिन्न विद्यालयहरुमा दैनिक दर्जनौँ बालबालिका आँखा पाक्ने रोग लागेर विद्यालय आउन छाडेका छन् ।

फुङलिङको डिचेन डोङगला आँखा उपचार केन्द्रमा दैनिक झण्डै २५ देखि ३० जना आँखाका बिरामी आउने गरेकोमा अहिले ७५ देखि ८० जनासम्म बिरामी आउने गरेका छन् ।

आँखा पाक्ने रोग लाग्नु भन्दा अगाडि दैनिक आउने बिरामीको तुलनामा अहिले तीन गुणा बिरामी बढेको आँखा उपचार केन्द्रका काजीमान थेवेले बताउनुभयो ।

सोमवार ६० जना बिरामीमध्ये ४५ जना आँखा पाक्ने रोगका बिरामी रहेको थेवेले बताउनुभयो ।

साउन १८ गतेदेखि देखिएको आँखा पाक्ने रोगको समस्या अहिले झन जिल्लाभर फैलिएको छ । रोग नियन्त्रमा आउनुको साटो अहिले झनै फैलिएको छ ।

जिल्लाको भानुजन माध्यमिक विद्यालयमा आइतवार १२ जनामा आँखाको संक्रमण देखिएकोमा सोमवार २५ जनामा संक्रमण देखिएको छ ।

अहिले जिल्लाका सबै जसो विद्यालयहरुमा आँखा पाक्ने रोग लागेर बालबालिकाहरु बिरामी परेका छन् ।

आँखा उपचार केन्द्रमा बालबालिका र उनीहरुकै अभिभावकहरु धेरै आउने गरेको पनि आँखा उपचार केन्द्रका थेवेले बताउनु भयो ।

लिटलबुद्ध आवासीय माविमा पनि आँखाका बिरामी उत्तिकै देखिएको विद्यालयले जानकारी दिएको छ।

आँखा रोग नियन्त्रणमा आउने सट्टा अझै बढेको डिचेन डोङ्ला आँखा उपचार केन्द्रले जनाएको छ ।

आँखा उपचार केन्द्रका अनुसार २० दिनको अवधिमा सदरमुकाम फुङलिङमा एक हजार जनाको उपचार गरिएको छ ।

केन्द्रले साउन १८ देखि भदौ ४ गते सम्ममा नौ सय ६५ जनाको उपचार गरेको छ ।

नेत्रज्योति संघले सदरमुकाम बाहिर दोभान बजारबाट पनि सेवा प्रवाह गरिरहेको बताएको छ ।

संघले दैनिक आठ देखि १० जना आँखाका बिरामी आउने गरेको जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्