काठमाण्डौ – चीनले आजदेखि पर्यटकका लागि कोरोना परीक्षण अनिवार्य नभएको जनाएको छ ।

चिनियाँ विदेश मन्त्रालयका प्रवक्ता वाङ यीले अब चीन भित्रिने पर्यटकका लागि कोभिड–१९ को परीक्षण अनिवार्य नरहेको बताउनुभएको छ । 

कोरोनाको न्युक्लिक एसिड परीक्षण र एन्टिजेन परीक्षण हटेको उहाँले बताउनुभयो ।

सन् २०१९ को डिसेम्बरमा चीनमा पहिलो पटक कोरोना भाइरसको सङक्रमण देखा परेको थियो ।

चीनबाट शुरु भएको कोरोना सङक्रमणपछि विश्वभर फैलिएको थियो । सङक्रमणबाट लाखौँ नागरिकले ज्यान गुमाएका थिए ।

कोभिड महामारी शुरु भएको तीन वर्षसम्म चीन बाह्य विश्वका लागि बन्द रह्यो । अहिले पनि सङक्रमण पूर्णरुपमा अन्त्य भएको छैन ।

कोरोना खोप अभियानपछि विश्वभर नै अवस्था सामान्य हुँदै गए पनि चीनले अहिलेसम्म देश भित्रिने पर्यटकका लागि परीक्षणको प्रावधान कायमै राखेको थियो ।