युवाहरूलाई देशमै राख्ने गरी रास्वपाकाे उदय भएकाे हाे : सभापति लामिछाने

भदौ २१, २०८० बिहीबार १९:३९:१४ | केशवप्रसाद भट्टराई

ताप्लेजुङ – राष्ट्रिय स्वतन्त्र पार्टीका सभापति रवि लामिछानेले युवाहरूलाई देशमै राख्ने गरी आफ्नो पार्टीको उदय भएको दाबी गर्नुभएको छ ।

पहिलो पटक ताप्लेजुङ आइपुग्नु भएका रास्वपा सभापति लामिछनेले ताप्लेजुङ सदरमुकाम फुङलिङको तोक्मेडाँडामा आयोजित सभालाई आज बिहीवार सम्बोधन गर्दै यस्तो बताउनुभएको हो । उहाँले ३० वर्षदेखि नागरिकलाई झुक्याएर ‘मनी र मसल’ को सहारामा चुनाव जित्ने अनि जिल्लाबाट हराउने प्रणालीको अन्त्यका लागि पनि यो पार्टीको उदय भएको जिकिर गर्नुभयो ।

पार्टीमा रहेका कुनै पनि सदस्य वा कार्यकताले आफन्तका लागि नभएर देशको हित र समृद्धिका लागिपरेका सभापति लामिछानेको भनाइ छ । अरू पार्टीका जनप्रतिनिधिहरूले जिल्लामा जितेर काठमाण्डौ गएपछि नफर्किने गरेको भन्दै उहाँले भन्नुभयो, ‘काठमाण्डौमा बसेर ताप्लेजुङमा जनप्रतिनिधिको रूपमा कसलाई पठाउने भनेर नेताले भागबन्डा लगाउने जस्ता हर्कत रास्वापामा हुँदैन । जिल्लाको विषयमा यहीको सङ्गठनले निर्णय गर्छ ।’

प्रदेश सरकार आफ्ना असन्तुष्ट कार्यकर्ताको थामथुम गर्ने थलो भएको टिप्पणी गर्दै लामिछानेले प्रदेश संरचनाबारे रास्वपाको छुट्टै अडान र धारणा रहेको जिकिर गर्नुभयाे । नागरिकले राजनीतिक प्रणाली र पद्धतिमा परिवर्तन खोजेको भन्दै उहाँले नागरिककाे त्यो अभिलाषा रास्वपाले पूरा गर्ने प्रतिबद्धता पनि जनाउनुभयाे । २०८४ को चुनावमा नागरिकले रास्वपालाई देशकै पहिलो शक्ति बनाए पाँच वर्षभित्रमा देशमा ठूलो परिवर्तन गर्ने र त्यो गर्न नसके नागरिककाे सामु कहिल्यै नआउने उहाँकाे भनाइ थियाे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्