६ महिनामा २८ हजार ३ सय ९० जना पर्यटक सगरमाथा क्षेत्र पुगे, ६ कराेड रुपैयाँभन्दा धेरै राजस्व सङ्कलन

माघ १२, २०८० शुक्रबार १५:२३:४४ | उज्यालो सहकर्मी

साेलुखुम्बु – सगरमाथा राष्ट्रिय निकुञ्ज क्षेत्रमा गएको साउनदेखि पुससम्मको छ महिनामा २८ हजार तीन सय ९० जनाले भ्रमण गरेका छन् ।

यो सङ्ख्या गएको वर्षको साउनदेखि पुससम्मको तुलनामा एक हजार चार सय ४१ जनाले धेरै हो । गएको आर्थिक वर्षको पहिलो छ महिनामा २६ हजार नाै सय ४९ जना पर्यटकले सगरमाथा राष्ट्रिय निकुञ्जको भ्रमण गरेका थिए । यस वर्ष सगरमाथा क्षेत्रमा पुगेका २८ हजार तीन सय ९० जनामध्ये तीन हजार पाँच सय ८३ जना नेपाली र बाँकी विदेशी हुन् ।

यस्तै गएकाे छ महिनामा सगरमाथा राष्ट्रिय निकुञ्जमा सङ्कलन भएको राजस्व झन्डै ११ प्रतिशतले बढेको छ । छ महिनामा निकुञ्जले छ करोड ९६ लाख ७८ हजार रुपैयाँ राजस्व सङ्कलन गरेको छ ।

निकुञ्जले सगरमाथा क्षेत्र घुम्ने विदेशीबाट प्रतिव्यक्ति तीन हजार, सार्क क्षेत्रका देशका व्यक्तिबाट एक हजार पाँच सय र नेपालीसँग एक सय रुपैयाँ शुल्क लिने गरेको छ । विशेषगरी पदयात्रा र पर्वतारोहणका लागि पर्यटकहरू सगरमाथा क्षेत्रमा पुग्ने गरेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

६ महिनामा २८ हजार ३ सय ९० जना पर्यटक सगरमाथा क्षेत्र पुगे, ६ कराेड रुपैयाँभन्दा धेरै राजस्व सङ्कलन

तस्बिर : रासस

तपाईको प्रतिक्रिया