नेपाल बैंकले ३२ प्रतिशत बोनस दिन सक्ने

जेठ २७, २०७५ आइतबार १४:५०:५० | अर्जुन पोख्रेल

काठमाडौं – नेपाल बंैकले पछिल्लो तीन वर्षमा आर्थिक हिसाबले आफू निकै बलियो बनेको दाबी गरेको छ ।

काठमाडौंमा भएको पत्रकार सम्मेलनमा बैंकका प्रमुख कार्यकारी अधिकृत देवेन्द्रप्रताप शाहले पछिल्लो समय नेपाल बैंकले आम्दानी र सेवामा ठूलो फड्को मारेको दाबी गर्नुभयो । नेपाल बैंकसँग अहिले ८ अर्ब रुपैयाँ चुक्ता पूँजी रहेको र अब थप शेयर अर्थात एफपीओ जारी गरेपछि चुक्त पूँजी ९ अर्ब रुपैयाँभन्दा धेरै पुग्ने उहाँले जानकारी दिनुभयो ।

बैंकले पछिल्ला ३ वर्षमा कर्जा प्रवाह ५० अर्ब रुपैयाँबाट ८० अर्ब रुपैयाँ पुर्‍याएको पनि दाबी गरेको छ । यस्तै खुद ब्याज आम्दानी पनि ३ वर्षमा १ सय ९ प्रतिशतले बढेर ४ अर्ब ५९ करोड रुपैयाँ पुगेको छ । पछिल्ला ३ वर्षमा बैंकको सञ्चालन मुनाफा ऋणात्मक रहेकोमा पछिल्लो ९ महिनामा ३ अर्ब १२ करोड रुपैयाँ मुनाफा आर्जन भएको नेपाल बैंकले जनाएको छ ।

यस्तै बैंकको पछिल्लो ९ महिनाको खुद नाफा २ अर्ब ५५ करोड रुपैयाँ रहेको र यो आर्थिक वर्षमा ३ अर्ब पुग्ने जनाएको छ । नेपाल बैंक खुद मुनाफा कमाउने र सञ्चालन नाफा गर्ने चौथो ठूलो बैंक बनेको पनि शाहले दाबी गर्नुभयो । यस्तै निष्कृय कर्जाको अनुपात पनि ४ दशमलव ४८ प्रतिशतबाट घटेर २ दशमलव ९१ मा झरेको छ ।

१५ अर्ब रुपैयाँको चल अचल सम्पत्ति

नेपाल बैंकले १५ अर्ब रुपैयाँभन्दा धेरैको चल अचल सम्पत्ति रहेको दाबी गरेको छ । पत्रकार सम्मेलनमा बैंकका प्रमुख कार्यकारी अधिकृत शाहले बैंकको सही मूल्य वासालातमा राख्न मिलेको भए नेपाल बैंकको वित्तिय अवस्था थप सुधार हुने पनि दाबी गर्नुभयो ।

पोखराको फूलबारी होटलमा डुबेको ७५ करोड रुपैयाँ कर्जा असुलीका लागि काम भैरहेको पनि उहाँले जानकारी दिनुभयो ।

३२ प्रतिशतसम्म बोनस दिन सकिने

बैंकका कार्यकारी अधिकृत शाहले नेपाल बैंकले ३२ प्रतिशतसम्म बोनस दिन सक्ने बताउनुभएको छ । केही दिनमै आउन लागेको एफपीओले बैंकको आर्थिक अवस्था थप सुधार हुने र लाभांश दिन सक्ने क्षमता हुने पनि उहाँले बताउनुभयो ।

एफपिओबाट संकलन हुने १ अर्ब ७६ करोड चुक्ता पूँजीमा थपिने र ३ अर्ब १६ करोड रुपैयाँ सञ्चित कोषमा थपिने बैंकले जनाएको छ । थपिएको रकमबाट नयाँ र पुराना शेयर धनीलाई ३२ प्रतिशतसम्म बोनस दिन सकिने प्रमुख शाहले बताउनुभयो ।

२५ शाखा थपिने, २५ वटा शाखा स्मार्ट शाखाको रुपमा विकास गरिने

प्रमुख कार्यकारी अधिकृत शाहले पत्रकार सम्मेलनमा आगामी आर्थिक वर्ष भित्र थप २५ वटा स्थानमा शाखा विस्तार गर्ने योजना सार्वजनिक गनुभयो । बैंकको अहिले १ सय २५ वटा शाखा छन् ।

प्रमुख कार्यकारी अधिकृत शाहले २ वर्ष भित्र बैंकको शाखा २ सय पु¥याउने लक्ष्य लिइएको पनि स्पष्ट पार्नु भयो । २ वर्षअघि पूँजीको अभाव देखाउँदै नेपाल राष्ट्र बैंकले शाखा विस्तारमा रोक लगाएको थियो ।

प्रमुख कार्यकारी अधिकृत शाहले अव पूँजी पुगिसकेकाले बैंकले आवश्यक स्थानमा शाखा खोल्न पाउने भएको पनि स्पष्ट पार्नुभयो । नेपाल बैंकले शाखाहरुलाई ग्राहकमैत्री बनाउन आगामी आर्थिक वर्ष भित्र २५ वटा शाखालाई स्मार्ट शाखाको रुपमा विकास गर्ने योजना पनि बनाएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्