प्रकृति संरक्षण मानव जातिको साझा चासो र चुनौती : राष्ट्रपति पाैडेल

फागुन ५, २०८० शनिबार १८:२१:१४ | उज्यालो सहकर्मी

काठमाण्डाै – राष्ट्रपति रामचन्द्र पौडेलले प्रकृति संरक्षण मानव जातिको साझा चासो र चुनौतीको विषय भएको बताउनुभएको छ ।

ललितपुरमा आज भएको वन्यजन्तु संरक्षण र वातावरणीय न्याय विषयक एकदिवसीय सम्मेलनमा राष्ट्रपति पौडेलले अहिलेको विश्व जलवायु परिवर्तनलगायतका वातावणीय चुनौतीहरूको शिखरमा उभिएको बताउनुभयो ।

पाैडेलले वातावरण र वन्यजन्तु संरक्षणको क्षेत्रमा राष्ट्रिय तथा अन्तर्राष्ट्रिय चासो र अभिरुचि बढिरहेको दाबी गर्दै वन्यजन्तु संरक्षण र वातावरणीय न्यायका विद्यमान चुनौती तथा अवसरलाई विश्लेषण गरेर नीतिगतदेखि कार्यान्वयन तहसम्म भावी दिशानिर्देशका लागि स्पष्ट मार्गचित्र कोर्न सक्नुपर्ने उल्लेख गर्नुभयाे । प्रकृति तथा जैविक विविधता र वन्यजन्तु संरक्षणको विषय देशको दिगो विकाससँग प्रत्यक्षरूपमा जोडिएको उहाँकाे भनाइ थियाे ।

पौडेलले वन्यजन्तुको बढ्दो सङ्ख्याले निम्त्याएको उचित व्यवस्थापनको समस्या, वन्यजन्तुमैत्री भौतिक पूर्वाधारको व्यवस्था, राष्ट्रिय क्षमता विकास, क्रियाशील राज्यका संयन्त्रहरु आदिको आवश्यकताले विशेषरूपमा वन्यजन्तु लक्षित कार्यक्रमहरूको अपरिहार्यता र कार्यान्वयनको बाटोलाई जोड दिनुपर्ने बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रकृति संरक्षण मानव जातिको साझा चासो र चुनौती : राष्ट्रपति पाैडेल

तस्बिर : रासस

तपाईको प्रतिक्रिया