नेपाल पुलिसलाई हराउँदै च्यासलले उचाल्याे राइनो संरक्षण गोल्डकपको उपाधि

कात्तिक २९, २०७५ बिहीबार १९:१४:९ | दयाराम आचार्य

नवलपरासी – एकसिंगे गैँडा संरक्षणको सन्देश प्रवाहका लागि नवलपरासीको मध्यविन्दु नगरपालिका–२, कोल्हुवामा सञ्चालित राइनो संरक्षण गोल्डकप फुटबल प्रतियोगिताको उपाधि च्यासल युथ क्लबले उचालेको छ ।

बिहीबार भएको फाइनल प्रतिस्पर्धामा नेपाल पुलिस क्लबलाई टाइब्रेकरमा पराजित गर्दै च्यासलले उपाधि उचालेको हो ।

खेलको १० औँ मिनेटमा अभिषेक रिजालको गोलबाट नेपाल पुलिस क्लबले अग्रता लिएको थियो । तर त्यो अग्रता धेरै समय टिक्न सकेन, पहिलो हाफकै १६ औँ मिनेटमा च्यासलले बराबरी गोल फकौयो । २१ औँ मिनेटमा पुलिसले थप एक गोल गर्दै पहिलो हाफ आफ्नो पक्षमा पार्यो । तर दोस्रो हाफमा आफ्नो अग्रता कायम गर्न सकेन । दोस्रो हाफमा च्यासलले बराबरी गोल फर्कायो । निर्धारित समय बराबरीमा सकिएपछि थप गरिएको समयमा समेत दुवै तर्फबाट कुनै पनि गोल हुन नसकेपछि खेल टाइब्रेकरमा धकेलिएको थियो ।

टाइब्रेकरमा च्यासल युथ क्लबले ५-३ गोल अन्तरले नेपाल पुलिस क्लबलाई पराजित गर्दै उपाधि आफ्नो पक्षमा पारेको हो । पुलिसका दिनेश राजवंशीको प्रहार गोलपोस्टको बारमा लागेर फर्किँदा च्यासलका पाँचै खेलाडीले गोल गरेका थिए ।

विजेता हुँदै च्यासल युथ क्लबले ४ लाख ९९ हजार ९९९ सहित शिल्ड, मेडल प्राप्त गरेको छ । उपविजेतामा चित्त बुझाएको नेपाल पुलिस क्लबलले २ लाख ५५ हजार ५५५ प्राप्त गरेको छ । प्रतियोगिताको म्यान अफ् दि सिरिज च्यासलका गोलरक्षक दिनेश थापा मगर भएका छन् ।

खेलको माध्यमबाट युवाहरुलाई वन, वन्यजन्तु संरक्षणमा लाग्ने उत्पे्ररणा जगाउने उद्धेशयले पन्ध्र वर्षदेिख नन्दभाउजू मध्यवर्ती उपभोक्ता समितिले नियमित रुपमा राइनो संरक्षण गोल्डकप फुटबल प्रतियोगिता सञ्चालन गर्दै आइरहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्