बलात्कारको आरोपमा युएईमा पक्राउ परेका सिंहलाललाई नेपाल पठाइयो

साउन २, २०७५ बुधबार १६:५४:३५ | उज्यालो सहकर्मी

युएई – बलात्कारको आरोपमा युएईमा पक्राउ परेका एक युवालाई नेपाल पठाइएको छ । जबर्जस्ती करणी गरी फरार भएका सिन्धुलीको मनिठाकुर गाउँपालिका ४ का सिंहलाल थिङलाई दुई दिन अघि युएई प्रहरीले पक्राउ गरेको थियो ।

थप अनुसन्धानका लागि उनलाई नेपाल लगिएको युएईस्थित नेपाली दूतावासले जनाएको छ । थिङले गएको असोज २२ गते विदेशबाट सामान ल्याइदिएको बहानामा महोत्तरीको बर्दिवास बजारको एक होटलमा बोलाएर एक महिलालाई बलात्कार गरेको आरोप छ । जवरजस्ती करणी मुद्दाका फरार प्रतिवादी युएई गएको सूचना पाएपछि नेपाल प्रहरीले डिफ्युजन नोटिस जारी गरेको थियो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)