देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

385_Desh Paradesh 2019-11-12

Download

कार्यक्रम देश परदेशको ३८५ औं अंक स्वदेशमै आम्दानीको बाटो खोजेर परदेशीएका श्रीमान्लाई स्वदेश फर्काउने र घर व्यवहार धान्दै श्रीमानलाई कमाउन सघाउनेहरुका कुरामा केन्द्रित छ । कार्यक्रममा स्वदेशमै आम्दानी गर्ने बाटो देखेपछि मलेसियाबाट बिदामा घर आएका श्रीमान्लाई स्वदेशमै रोक्ने सुनसरी इनरुवाकी परसा सदा र उहाँका श्रीमान रामेश्वर ऋषीदेवको खुशी अनि, श्रीमान परदेशिएपछि आम्दानी र खर्च गर्ने काइदा बुझेर घरव्यवहार धान्दै कुखुरा, बाख्रा र सुङ्गुर पालेर घरमै पैसा कमाइरहेकी सुनसरी इनरुवाकै चेरिता र सुकुम सदाको फेरिएको दैनिकी सुन्न सकिन्छ । विदेशबाट पठाएको पैसा बचत गर्ने र स्वदेशमै आम्दानीको बाटो खोज्ने उपायबारे सुरक्षित आप्रवासन सामी परियोजनाका कार्यक्रम संयोजक सनत सापकोटाका सुझाव पनि कार्यक्रममा सुन्न सकिन्छ । अनि साथमा छन्, तपाईँले सोधेका प्रश्नमा हामीले खोजेका उत्तर र तपाईँका रुचिका विषय समेटिएको राउण्डअप पनि ।

देश परदेश (अडियाे)

385_Desh Paradesh 2019-11-12

अरु एपिसोडहरु