राष्ट्रकवि घिमिरे मनिराज वाङ्मय पुरस्कार २०७४ बाट सम्मानित

मंसिर १, २०७५ शनिबार २०:२९:३१ | रासस

काठमाडाैं - राष्ट्रकवि माधवप्रसाद घिमिरे मनिराज वाङ्मय पुरस्कार–२०७४ बाट सम्मानित हुनुभएको छ ।

नेपाल साहित्य तथा संस्कृति प्रतिष्ठान गोदावरीद्वारा स्थापित विविध पुरस्कार समारोह–२०७५ मा राष्ट्रकवि घिमिरे मनिराज वाङ्मय पुरस्कार–२०७४ बाट नगद एक लाख रुपैयाँसहित आज सम्मानित हुनुभएको हो ।

राष्ट्रकवि घिमिरेले साहित्यमा पुर्‍याउनुभएको अनवरत योगदानको कदर गर्दै उक्त कोषबाट पहिलोपटक उहाँलाई सम्मानित गरिएको प्रतिष्ठानका अध्यक्ष पद्मराज जोशीले जानकारी दिनुभयो ।

‘राष्ट्रकवि घिमिरेका कविताको जति प्रशंसा गरे पनि सकिँदैन’, उहाँले भन्नुभयो । सुदुरपश्चिम क्षेत्रमा रहेको प्रतिष्ठानले राष्ट्रका लागि योगदान पुर्‍याउने सर्जकलाई यस पुरस्कारबाट निरन्तर सम्मानित गरिने उहाँले बताउनुभयो ।

त्यस अवसरमा सुदूरपश्चिम क्षेत्र देशकै लागि संस्कृतिको उद्गम स्थल रहेको राष्ट्रकवि घिमिरेले बताउनुभयो । प्रतिष्ठानले प्रदान गरेको सम्मानित हुनुभएकोमा उहाँले हर्ष व्यक्त गर्नुभयो ।

पूर्व प्रधानमन्त्री तथा साहित्यकार लोकेन्द्रबहादुर चन्दले राष्ट्रकवि घिमिरेको जति प्रशंसा गरे पनि नपुग्ने बताउनुभयो । त्यसै क्रममा नेपाल प्रज्ञा प्रतिष्ठानका कूलपति गङ्गाप्रसाद उप्रेतीले सर्जकलाई प्रदान गरिने यस्ता पुरस्कारले थप हौसला मिल्ने बताउनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राष्ट्रकवि घिमिरे मनिराज वाङ्मय पुरस्कार २०७४ बाट सम्मानित

फाइल तस्बिर

तपाईको प्रतिक्रिया