म्याग्दीको बेनी–दरबाङ सडक खण्डको सिम–पानाबगर खण्डमा कालोपत्र

असार २, २०८१ आइतबार १३:२४:५८ | प्रताप बानियाँ

म्याग्दी – पश्चिम म्याग्दीको बेनी–दरबाङ सडकखण्डअन्तर्गत पर्ने सिम–पानाबगर खण्डमा कालोपत्र भएको छ । सिमदेखि पानाबगरसम्म तीन किलोमिटर आठ सय मिटर दूरीको सडकमा कालोपत्र गरिएको हो ।

पूर्वाधार विकास कार्यालय म्याग्दी इन्जिनियर रबिन चोखालका अनुसार आठ मिटरको फराकिलो चौडाइमा पक्की नालीसहित पर्खाल निर्माण गरी सिम–पानाबगर सडक खण्डमा डिबिएसडी प्रविधिको कालोपत्र गरिएको हो ।

२०७८ साल पुस १८ गते अमर ओमबुद्ध जेभीले कुल १० करोड ७० लाख २१ हजार तीन सय २५ रुपैयाँको लागतमा पूर्वाधार विकास कार्यालयसँग सडक कालोपत्रको सम्झौता गरेको थियो । यही असार ७ गते कालोपत्र गरिसक्नुपर्ने सडकमा गएको जेठ १८ गतेदेखि कालोपत्रको काम शुरु गरेर सकिएको हो । कालोपत्र गरिएको सिम–पानाबगर सडकको वित्तीय प्रगति भने ७५ प्रतिशत छ ।

यसअघि म्याग्दीको बेनीबाट साढे १२ किलोमिटरको दूरीमा मंगला–२, सिमसम्म मात्र कालोपत्र गरिएको सडकमा अहिले पूर्वाधार विकास कार्यालयले सडक स्तरोन्नति र कालोपत्र गरी पानाबगरसम्म पुर्‍याएको हो । सडक कालोपत्रपछि मंगला गाउँपालिकाको केन्द्र बाबियाचौरबाट म्याग्दी सदरमुकाम बेनी आउने डेढ घण्टाको बाटो २० मिनेटमा छोटिएको छ ।

सडक कालोपत्रे भएपछि यात्रा सहज हुनुका साथै स्थानीय उत्पादन दूध, तरकारी, फलफुललगायत कृषि उत्पादन बजार पुर्‍याउन किसानलाई राहत हुनेछ । लामो समयको पर्खाइपछि सडक कालोपत्र भएकाले अब आवतजावत सहज हुने राजेन्द्र आचार्यले बताउनुभयो ।

पूर्वाधार विकास कार्यालय म्याग्दीका निमित्त प्रमुख इन्जिनियर विष्णु पौडेलले सडक स्तरोन्नति र कालोपत्र गर्ने कार्यमा कार्यालयबाट नियमित रूपमा गुणस्तर परीक्षण र अनुगमन गरिएको बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्