विभिन्न क्षेत्रका नदी तथा खोलामा पानीको बहावसँगै जोखिम बढ्यो : सतर्क रहन अनुरोध

साउन २२, २०८१ मंगलबार ९:८:१ | उज्यालो सहकर्मी

काठमाण्डौ – देशका विभिन्न ठाउँमा अहिले मध्यमदेखि ठूलो वर्षा भइरहेको छ । कोशी, मधेश, बाग्मती र गण्डकी प्रदेशको केही तथा लुम्बिनी, कर्णाली र सुदूरपश्चिम प्रदेशका थोरै ठाउँमा मध्यमदेखि ठूलो वर्षा भइरहेको जल तथा मौसम पूर्वानुमान महाशाखाले जनाएको छ ।

काठमाण्डौ उपत्यकामा पनि गएरातिदेखि नै ठूलो पानी परिरहेको छ । महाशाखाकाअनुसार मनसुनको न्यून चापीय रेखा नेपालतर्फ सर्ने क्रममा रहेकाले गएरातिदेखि देशका धेरै ठाउँमा पानी परेको हो । पछिल्लो १२ घण्टामा सबैभन्दा धेरै सप्तरीको रुपनी बजारमा १ सय ८६ दशमलव ६ मिलिमिटर वर्षा मापन भएको छ ।

मोरङको हरैचा, सिन्धुपाल्चोकको बाहुनेपाटी, चितवनको शक्तिखोर, उदयपुरको मुर्कुची बजार, सुनसरीको धरान, महोत्तरीको गौशाला, धनुषाको तुल्सी, ललितपुरको गोदावरी, म्याग्दीको मुनालगायतका जल मापन केन्द्रमा पनि ठूलो वर्षाको मापन भएको छ ।

भोलिसम्म देशका केही ठाउँमा निकै ठूलो र ठूलो वर्षा हुने पूर्वानुमान गरिएको छ । आज दिउँसो कोशी, बाग्मती, गण्डकी र लुम्बिनी प्रदेशमा अतिदेखि धेरै ठूलो वर्षाको सम्भावना रहेको छ । रातिको समयमा झन् धेरै वर्षा हुने अनुमान महाशाखाको छ ।

भोलिसम्मै निरन्तर अत्यधिक वर्षा हुने महाशाखाको भनाइ छ । अति ठूलो वर्षा हुने क्षेत्रमा बाढीपहिरोको जोखिम हुने भएकोले सतर्क रहन महाशाखाले आग्रह गरेको छ । महाशाखाले यसअघि नै विशेष बुलेटिन निकालेर भोलिसम्म मनसुन सक्रिय हुने जनाएको थियो । यो समय अति जोखिम हुने भएकोले प्रतिकार्यका लागि समेत तयार हुन भनिएको छ ।

काठमाण्डौ उपत्यकाका नदी तथा खोलामा जल सतह बढेको छ । जलसतह अहिलेसम्म सतर्कता तहभन्दा तलै रहेपनि उच्च सतर्कता अपनाउन मौसम विज्ञान विभागले आग्रह गरेको छ । मकवानपुर, झापा, सप्तरी, मोरङ, सुनसरीका विभिन्न ठाउँमा ठूलो वर्षा भएकोे छ ।

मकवानपुरको बकैया नदी जुरेलीबजार जलमापन केन्द्रको जलसतह सतर्कता तह आसपास पुगेको छ । नदी तटीय क्षेत्रमा बिहान १० बजेसम्म उच्च सतर्कता अपनाउन अनुरोध गरिएको छ । सप्तरीको मौली खोला र खाडो खोला लगायत अन्य साना खोलामा बहाव बढ्ने भएकाले दिउँसो २ बजेसम्म उच्च सतर्कता अपनाउन आग्रह गरिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विभिन्न क्षेत्रका नदी तथा खोलामा पानीको बहावसँगै जोखिम बढ्यो : सतर्क रहन अनुरोध

फाइल तस्बिर

तपाईको प्रतिक्रिया