नेपाल–ओमानबीच चार वटा क्षेत्रमा अध्ययनका लागि छिटै सम्झौता हुने

भदौ ११, २०८१ मंगलबार १८:२७:१३ | उज्यालो सहकर्मी

काठमाण्डाै – नेपाल र ओमानबीच श्रम, स्वास्थ्य, पर्यटन र परराष्ट्र मामिलासम्बन्धी अध्ययनका लागि छिटै सम्झौता हुने भएको छ ।

नेपाल र ओमानका परराष्ट्रमन्त्रीको द्विपक्षीय वार्तामा चार वटा विभिन्न क्षेत्रमा दुई देशबीचमा सम्झौता गर्नेबारे छलफल भएको हो । नेपालको औपचारिक भ्रमणमा रहेका ओमानका विदेशमन्त्री सइद बद्र बिन हमाद बिन हमुद बल्सुसैदी र परराष्ट्रमन्त्री डा. आरजु राणा देउवाबीच आज भएको द्विपक्षीय भेटवार्तामा मुख्यगरी चार वटा विषयमा छिटै सम्झौता गर्नेबारेमा कुराकानी भएको हो ।

मन्त्री राणाले नेपालमा पर्यटनको क्षेत्रमा लगानी गर्न ओमान इच्छुक रहेको आफूले पाएको बताउनुभयो । यस्तै ओमान पक्षले नेपाली श्रमिकहरू काममा लगनशील र इमानदार रहेकाले आफ्नो देशले आवश्यकताका आधारमा थप श्रमिक लैजाने जनाएको छ ।

यस्तै ओमानका विदेशमन्त्री बल्सुसैदीले राष्ट्रपति रामचन्द्र पाैडेल र प्रधानमन्त्री केपी शर्मा ओलीसँग शिष्टाचार भेटवार्ता गर्नुभएकाे छ । विदेशमन्त्री बल्सुसैदी आजै फर्कने कार्यक्रम छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाल–ओमानबीच चार वटा क्षेत्रमा अध्ययनका लागि छिटै सम्झौता हुने

तस्बिर : परराष्ट्र मन्त्रालय

तपाईको प्रतिक्रिया