राष्ट्रपतिद्वारा पाल्पाको ऐतिहासिक भगवती मन्दिरमा पूजाअर्चना तथा रथयात्रा अवलोकन

भदौ ११, २०८१ मंगलबार १८:२६:२ | देव पचभैया

पाल्पा – राष्ट्रपति रामचन्द्र पौडेलले पाल्पाको ऐतिहासिक भगवती मन्दिरमा पूजाअर्चनाका साथै रथयात्रा अवलोकन गर्नुभएको छ ।

पाल्पाको रणउजिरेश्वरी भगवती रथजात्रा अवलोकनका लागि पहिलो पटक राष्ट्रप्रमुखका रूपमा राष्ट्रपति पौडेल पाल्पाको तानसेन आउनुभएकाे थियाे । जात्रामा सहभागी हुन संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे र रक्षामन्त्री मानवीर राईसमेत पाल्पा पुग्नुभएको थियो ।

यस्तै राष्ट्रपति पौडेलले नेपाली सेनाको दि फेमस महिन्द्र दल गणको निरीक्षण गर्नुका साथै पाल्पाका जनप्रतिनिधि र सरोकारवालासँग भेट गर्नुभयो । पूजाअर्चना र रथयात्रामा सहभागी भएर उहाँ आजै काठमाण्डाै फर्किनुभएकाे छ ।

नेपालले बुटवल जितगढी युद्धमा तत्कालीन इस्ट इण्डिया कम्पनीको अङ्ग्रेज फौजलाई हराएको सम्झनामा आज २०५ औं विजयोत्सव तथा भगवती रथयात्रा भएको हो । १८७१ र ७२ सालमा भएको युद्धमा तत्कालीन कर्णेल उजिर सिंह थापाको फौजले दुवै पटक अङ्ग्रेज फौजलाई पराजित गरेको थियो । लडाइँमा जानुअघि तत्कालीन कर्णेल थापाले भगवती मातासँग युद्ध जित्ने भाकल गरेको र लडाइँ जितेपछि सिन्दूरजात्रा गर्ने भाकलअनुसार हरेक वर्ष भाद्र कृष्ण जन्माष्टमीको भोलिपल्ट विजय उत्सवसहितको भगवती रथजात्रा मनाउन थालिएको इतिहासमा उल्लेख छ ।

विजयोत्सवमा लुम्बिनी प्रदेशका मुख्यमन्त्री चेतनारायण आचार्य, प्रदेश अर्थमन्त्री धनेन्द्र कार्की, स्वास्थ्यमन्त्री खेमबहादुर सारु, प्रदेश सभामुख तुलाराम घर्तीमगरलगायत पनि सहभागी हुनुभएकाे थियाे । विजयोत्सवका अवसरमा लुम्बिनी प्रदेश सरकारले आज पाल्पामा सार्वजनिक बिदा दिएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्