विश्वकप अघिको अन्तिम खेलमा बेल्जियमको सहज जित

जेठ २९, २०७५ मंगलबार ७:५८:१० | उज्यालो सहकर्मी

विश्वकपअघिको अन्तिम मैत्रीपूर्ण खेलमा बेल्जियमले दक्षिण अमेरिकी टोली कोष्टारिकालाई ४–१ गोलले हराएको छ ।

राजधानी ब्रसेल्समा खेलाइएको खेलमा घरेलु टोली २४औं मिनेटमा १–० ले पछि परेको थियो । कोष्टारिकाका लागि ब्रायन रुइसले गोल गरेका थिए । ४ गोल गरेको बेल्जियमका लागि लुकाकुले २ गोल गरे । उनले खेलको ४२औं र ५०औं मिनेटमा गोल गरेका थिए । त्यस्तै द्रिस मिर्तेन्स र मिची बटसुवाइले एक एक गोल गरे ।

यो खेलसँगै कोष्टारिका र बेल्जियमको विश्वकप तयारी सकिएको छ । दुवै टोली अब रुस प्रस्थान गर्नेछन् । विश्वकपमा समूह जी मा रहेको बेल्जियमले पहिलो खेल १८ जुनमा पानामासँग खेल्नेछ ।

२३ जुनमा ट्युनिसिया र २८ जुनमा इङल्यान्डको सामना गर्नेछ । यस्तै समूह इमा रहेको कोष्टारिकाले बलियो प्रतिस्पर्धि ब्राजिल, स्वीट्जरल्याण्ड र सर्वियाको सामना समूह चरणमै गर्नेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्