‘भारत’ कोे सेटमा सलमान खान र निर्देशक अलि अब्बास जफरबीच मनमुटाव

मंसिर १२, २०७५ बुधबार १५:१४:२० | उज्यालो सहकर्मी

सलमान खान यतिबेला आफ्नोे फिल्म ‘भारत’ को छायाँकनमा व्यस्त छन् । यो फिल्मको छायाँकंन सुरु हुनु अघिबाटै अभिनेत्री प्रियंका चोपडाले फिल्मबाट हात झिकेर फिल्म निर्माताहरको लागि अभिनेत्री खोजीको झमेला सामना गर्नुपरेको थियो ।

पछि अभिनेत्री कट्रिना केफले फिल्म साइन गर्दै फिल्म यूनिटको समस्या समाधान गरिदिएकी थिइन् ।

तर अहिले सार्वजनिक खबरहरुका अनुसार सलमान खान र निर्देशक अली अब्बास जफरबिच फिल्मको विषयलाई लिएर मतभेद सुरु भएको छ । ‘भारत’ को सेटमा सलमान खान र अली अब्बास जफर फिल्मलाई कस्तो बनाउने भन्ने विषयको टुंगो लगाउन सकिरहेका छैनन् ।

सलमान खानको फिल्म ‘भारत’ कोरियन फिल्म ‘अड टू माई फादर’ को हिन्दी रिमेक हो । तर यस फिल्मलाई मूलधारको बलिउड फिल्म जस्तो बनाउने तयारी हुन लागेको छ ।

यस फिल्ममा दर्शकहरुका लागि इमोशन, ड्रामा र एक्शन प्रस्तुत गरिनेछ । यस अघि सलमान खान अभिनित फिल्म ‘ट्यूबलाईट’ फ्लप भएपछि सलमान उनका फ्यानहरुलाई कुनै पनि हालतमा निराश बनाउन चाहँदैनन् ।

सलमान सन् २०१९ को इदको अवसरमा रिलिज हुने यस फिल्मलाई निकै नै धमाकेदार बनाउन चाहन्छन् । यस फिल्ममा सलामान आफैं यसरी अघि सरेपछि सलमान र अली अब्बास जफरबिच मतभेद देखिएको हो ।

निर्देशक अली अब्बास जफर फिल्मको स्टोरी लाइनमै रहेर फिल्म बनाउन चाहीरहेका छन् भने सलमान आफ्नो छविअनुसार फिल्ममा परिवर्तन गराउन चाहिरहेका छन् ।

दुवैजना अहिले फिल्ममा कस्तो र कतिसम्मको परिवर्तन गर्ने कुराको निर्णय लिन सकिरहेका छैनन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्