विश्वकप फुटबलका यी अचम्मका फ्यान

जेठ २९, २०७५ मंगलबार १९:२:२८ | उज्यालो सहकर्मी

फुटबलको महासंग्राम फिफा विश्वकपको २०१८ संस्करण २ दिनपछि रुसमा सुरु हुँदैछ ।

विश्वकप प्रत्यक्ष रुपमा हेर्नका लागि फुटबलका पारखीहरु रुस पुग्ने क्रम सुरु भइसकेको छ । फुटबल प्रेमीहरु विभिन्न किसिमका सवारी साधन चढेर रुसमा विश्वकप हेर्न गइरहेका छन् ।

यीनै फुटबल पारखीहरुमध्ये एक जना ७० वर्षका वृद्ध जर्मनीबाट ट्रयाक्टर चढेर रुस जाँदै गरेको भेटिएका थिए ।

ह्युबेर्ट वर्थ नाम गरेका ती वृद्ध जर्मनीबाट रुस जाँदै गर्दा पोल्याण्ड र बेलारुसको सिमानामा भेटिएका थिए ।

‘१० दिनमा त पुग्छु,’ प्रतिघण्टा ३० किलोमिटरको गतिमा रहेको सन् १९२० को दशकमा बनेको लान्ज बुलडग ट्र्याक्टरमा पूर्वतिर लागिरहेका उनले भने ।
ट्र्याक्टरमाथि सानो ‘घर’ नै थियो ।

उनको साथमा एउटा कुकुर पनि थियो । ‘काठले बनाइएको उनको ‘घर’ वियर बोक्ने भ्यान जस्तो देखिन्थ्यो ।

उनले पोल्याण्ड र बेलारुसको सिमाना पार गर्दै गरेको अवस्थामा भिडियो समेत लिन भ्याएका थिए ।

उनको चलायमान घरको अघिल्लो भागमा फुटबलको चित्रसँगै जर्मन भाषामा ‘हेल्लो मस्को’ लेखिएको स्टिकर टाँसिएको थियो । त्यसभन्दा अघिल्तिर एउटा साइकल थियो ।

घरको छतमा एउटा सोलार प्यानल पनि थियो ।

उनी पेट्रोल पम्पमा पुग्दा पेट्रोल भर्दै गरेका अन्य चालकहरु ट्र्याक्टरको ठूलो आवाजले तर्सिए । तर उनको साधन सामान्य स्थितिमा थियो ।

त्यहाँ उनले ६० लिटर डिजल भरे र बेलारुसको सिमानामा रहेको चेकपोस्टमा सडक कर तिरे ।

ती वृद्ध मिजासिला थिए । बोर्डर आसपासमा उनी एक सेलेब्रटी नै बन्न पुगे ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्