११ दिने ‘एआई स्कुल’ कार्यक्रम आजदेखि

पुष १२, २०८१ शुक्रबार ९:५:२ | उज्यालो सहकर्मी

काठमाण्डौ – नेपाल एप्लाइड म्याथेमेटिक्स एन्ड इन्फरमेटिक्स इन्स्टिच्युट (नामी) को आयोजनामा पाँचौँ संस्करणको ‘एनुअल नेपाल एआई स्कुल’ आजदेखि शुरू हुँदैछ ।

खुमलटारमा रहेको प्रिमियर इन्टरनेशनल स्कुलमा आयोजना हुने कार्यक्रममा आधारभूतदेखि आधुनिक विचार र विधिहरूसम्मका विषयवस्तु समेटिने छ । आउँदो २२ गतेसम्म सञ्चालन हुने कार्यक्रम आर्टिफिसियल इन्टेलिजेन्स (एआई)को आधार र कार्यान्वयनमा केन्द्रित हुनेछ ।

आयोजकका अनुसार विश्वभरका वैज्ञानिक, प्राध्यापक र विशेषज्ञहरूले सहभागीहरूलाई एआईसम्बन्धी बृहत जानकारी प्रदान गर्नेछन् । यसअन्तर्गत लेक्चर क्लासदेखि ल्याब र प्रोजेक्ट वर्कसम्मका कक्षा हुने छ ।

कार्यक्रममा कम्प्युटर विज्ञानका स्नातक, स्नातकोत्तर र पीएचडी तहका दुई सय विद्यार्थी तथा एआई क्षेत्रमा काम गर्ने प्रोफेसनलहरू सहभागी हुन सक्नेछन् । विगत चार संस्करणमा ४० भन्दा बढी देशका पाँच सय ५० भन्दा बढी विद्यार्थीहरूले यस कार्यक्रममा भाग लिएको आयोकले जनाएको छ ।

विद्यार्थी तथा एआई अभ्यासकर्ताहरूलाई विश्वस्तरमा भइरहेको अत्याधुनिक विकाससँग परिचित गराउने लक्ष्यका साथ वर्षेनि यस्तो कार्यक्रम गरेको नामीका निर्देशक तथा अनुसन्धान वैज्ञानिक विशेष खनालले बताउनुभयो ।

अन्तिम अपडेट: पुस १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्