इस्लाम महिला छात्रा शिक्षा सम्मेलनमा नोबेल पुरस्कार विजेता मलाला पनि सहभागी

पुष २८, २०८१ आइतबार १२:७:३३ | एजेन्सी

इस्लामिक समुदायको छात्रा शिक्षासम्बन्धी शिखर सम्मेलन पाकिस्तानको इस्लामावादमा चलिरहेको छ । सम्मेलनमा नोबेल शान्ति पुरस्कार विजेता मलाला युसुफजाई पनि सहभागी हुनुहुन्छ । सम्मेलनमा सहभागी मलालाले छात्रा शिक्षासम्बन्धी शिखर सम्मेलनमा भाग लिन आफ्नो जन्मथलो फर्कन पाउँदा निकै हर्षित भएको प्रतिक्रिया दिनुभएको समाचार संस्था एएफपीले जनाएको छ ।

सन् २०१२ मा पाकिस्तानी तालिवान लडाकूको गोली लागेर घाइते मलालाले आज सम्मेलनलाई सम्बोधन गर्ने कार्यक्रम छ । उहाँले देशबाहिर बसेरै किशोरीको शैक्षिक तथा अन्य अधिकारका लागि आवाज उठाउँदै आउनुभएको छ । यो शिखर सम्मेलनमा मुस्लिम बहुल्यता रहेका देशबाट शैक्षिक क्षेत्रका प्रतिनिधिको सहभागिता रहेको छ तर अफगानिस्तानले सहभागिता जनाएको छैन ।

अफगानिस्तानमा किशोरी तथा महिलालाई विद्यालय जान प्रतिबन्ध छ । सन् २०२१ मा सत्तामा फर्किएपछि अफगान तालिबान सरकारले इस्लामी कानूनको कडा संस्करण लागू गरेको छ जसलाई संयुक्त राष्ट्रसङ्घले ‘लैङ्गिक विभेद’ भनेको छ ।

४४ देशका मन्त्री तथा राजदूत, संयुक्त राष्ट्रसङ्घ र विश्व बैङ्कका प्रतिनिधि सहभागी दुई दिने सम्मेलनको हिजो पाकिस्तानका प्रधानमन्त्री शहबाज सरिफले राजधानी इस्लामावादमा उद्घाटन गर्नुभएको थियो । उहाँले बालिकाका लागि शिक्षामा समान पहुँच सुनिश्चित गर्न पाकिस्तानलगायत मुस्लिम देशले महत्वपूर्ण चुनौतीको सामना गरिरहेको बताउनुभयो ।

बालिकालाई शिक्षामा पहुँच नदिनु उनीहरूको आवाज र छनौटलाई इन्कार गर्नु तथा उनीहरूको उज्ज्वल भविष्यको अधिकारबाट बञ्चित गरिनु रहेको उहाँको भनाइ छ । पाकिस्तानले आफै पनि गम्भीर शैक्षिक सङ्कटको सामना गरिरहेको छ । दुई करोड ६० लाखभन्दा धेरै बालबालिका विद्यालय बाहिर रहेको त्यहाँको सरकारी तथ्याङ्कले देखाएको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इस्लाम महिला छात्रा शिक्षा सम्मेलनमा नोबेल पुरस्कार विजेता मलाला पनि सहभागी

तस्बिर : एजेन्सी

तपाईको प्रतिक्रिया