सुडानको राजधानी खार्तुममा भएको गोलाबारीमा १ सय २० जनाको ज्यान गयो

माघ १, २०८१ मंगलबार १८:३०:४६ | एजेन्सी

सुडानको राजधानी खार्तुममा भएको गोलाबारीमा एक सय २० जनाको ज्यान गएको छ । सुडानी स्वयंसेवक उद्धारकर्ताहरूले खार्तुमको ट्वीन सिटीमा बन्दुकधारीहरुले अन्धाधुन्ध गोली चलाएको बताएका समाचार संस्था एएफपीले जनाएको छ ।

युद्धग्रस्त देशभरि स्वयंसेवक उद्धारकर्ताहरूको नेटवर्कको रूपमा काम गर्ने संस्था ओम्बाडाको आपतकालीन प्रतिक्रिया कक्षले आक्रमणको कारण नखुलेको बताएको छ । सेना र आरएसएफ दुवैले एक अर्कालाई स्वास्थ्यकर्मीहरू सहित नागरिकहरूलाई लक्षित गरेको र आवासीय क्षेत्रहरूमा अन्धाधुन्ध गोलाबारी गरेको आरोप लगाएका छन् ।

एक्कासी ठूलो आक्रमण हुँदा शहरमा त्रास फैलिएको छ । अस्पतालमा बेड र डाक्टरको अभाव हुँदा कयौँ घाइतेले उपचार नपाएको खबरमा उल्लेख छ । सुडानमा २० महिनाभन्दा लामो युद्धपछि सेना र अर्धसैनिक र्यापिड सपोर्ट फोर्स (आरएसएफ) बीचको लडाइँ पछिल्लो हप्ताहरूमा बढेको छ । सहायता एजेन्सीहरूका अनुसार युद्धमा दशौं हजार मानिस मारिएका छन् । देशमा भोकमरीले सताएको छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुडानको राजधानी खार्तुममा भएको गोलाबारीमा १ सय २० जनाको ज्यान गयो

तस्बिर : एजेन्सी

तपाईको प्रतिक्रिया