बुवा र ठूलो बुवाको हत्या गरेकाे आरोपमा एकजना पक्राउ

मंसिर २१, २०७५ शुक्रबार १७:५५:३७ | उज्यालो सहकर्मी

कैलाली – कैलालीको लम्की–चुहा नगरपालिका–४, बलिया गाउँमा बुवा र ठूलो बुवाको हत्या गरेको आरोपमा एकजना पक्राउ परेका छन् ।

घरायसी विवादमा २९ वर्षीय जहवार चौधरीले आफ्ना बुवा र ठूलो बुवाको हत्या गरेको प्रहरीले जनाएको छ । ५५ वर्षीय बुवा चक्रा थारु र ठूलो बुवा ६० वर्षीय पल्टु थारुको हत्या गरेको आरोपमा प्रहरीले उनलाई पक्राउ गरेको हो । घटनामा जहवारकी ५० वर्षीया आमा दीलबहाडीदेवी चौधरी घाइते भएको प्रहरीले जनाएको छ ।

उहाँको टाउको र बायाँ कानमा चोट लागेको जिल्ला प्रहरी कार्यालय कैलालीका प्रवक्ता डीएसपी हरिबहादुर वलीले जानकारी दिनुभयो । घाइते दीलबहाडीदेवीको लालरत्न अस्पताल लम्कीमा उपचार भइरहेको छ ।

आफूलाई जानकारी नगराई श्रीमती माइत पठाएको भन्दै जहवारले बिहीबार राति ११ बजे कोठामा थुनेर बुवा, ठूलो बुवा र आमालाई काठको खन्तीले हानेको प्रहरीले जनाएको छ । प्रहरीले जहवारलाई घरबाटै पक्राउ गरेको हो । उहाँलाई इलाका प्रहरी कार्यालयमा राखिएको छ ।

अन्तिम अपडेट: फागुन २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्