अमेरिकी आयात शुल्क वृद्धि : नेपाली सामानमा १० प्रतिशत कर

चैत २१, २०८१ बिहीबार १७:५९:४९ | एजेन्सी

अमेरिकी राष्ट्रपति डोनाल्ड ट्रम्पले घोषणा गर्नुभएको नयाँ आयात शुल्क अनुसार नेपाली सामानमा पनि १० प्रतिशत कर लाग्ने भएको छ ।

अमेरिकी राष्ट्रपति ट्रम्पले एक सय ८५ वटा देशका लागि घोषणा गर्नुभएको ‘रेसिप्रोकल’ अर्थात् पारस्परिक भन्सार दर अनुसार नेपाली सामानमा १० प्रतिशत कर लाग्ने भएको हो । ट्रम्पले अमेरिका भित्रिने सबै सामानहरूमा नयाँ आयात शुल्क घोषणा गर्नुभएको हो । यसलाई उहाँले अमेरिकी ‘व्यापार जगत्’ को ‘स्वतन्त्रता दिवस’ भन्नुभएको छ ।

यस घोषणाले अमेरिकाका दुई निकट व्यापार साझेदार मेक्सिको र क्यानडाका लागि तत्कालका लागि केही परिवर्तन हुने छैन । तर अन्य साझेदारहरूले भने नयाँ करको सामना गर्नुपर्नेछ ।

नयाँ कर अनुसार बेलायतका लागि १० र युरोपेली सङ्घ (ईयू) का लागि २० प्रतिशत समावेश छ । यस्तै चीनबाट आउने सामानहरूमा लाग्ने अमेरिकी आयात शुल्क ३४ प्रतिशतले बढ्ने छ जुन अहिले नै २० प्रतिशत रहेकाले त्यसमा थप हुँदा त्यो कुल शुल्कका रूपमा ५४ प्रतिशत पुग्ने छ । जापानबाट आउने सामानहरूमा २४ र भारतबाट आउने सामानहरूमा २६ प्रतिशत भन्सार शुल्क लाग्ने छ । भियतनाम र कम्बोडियाबाट आउने सामानहरूमा क्रमशः ४६ र ४९ प्रतिशत आयात शुल्क लाग्ने छ ।

यस्तै कैयौं साना देश पनि उच्च आयात शुल्कको मारमा पर्नेछन् । जसमा दक्षिणी अफ्रिकी देश लेसोथोका उत्पादनहरूले ५० प्रतिशत आयात शुल्कको सामना गर्नुपर्ने छ ।

राष्ट्रपति ट्रम्पको घोषणा अनुसार १० प्रतिशत शुल्क अप्रिल ५ देखि र अन्य शुल्क अप्रिल ९ देखि शुरू हुनेछ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी आयात शुल्क वृद्धि : नेपाली सामानमा १० प्रतिशत कर

तस्वीर : एजेन्सी

तपाईको प्रतिक्रिया