तुइन हटिसक्यो, सही पत्रकारिता गर्नुहोस् : सञ्चारमन्त्री बाँस्कोटा

मंसिर २५, २०७५ मंगलबार १९:३७:४८ | उज्यालो सहकर्मी

धादिङ – विधिभन्दा बाहिरबाट सरकार बदल्न नसक्ने भएकोले बाहिरबाट सरकार बदल्ने आस गरेको भए प्रतिपक्ष फेल हुने नेपाल सरकारका सूचना सञ्चार तचथा प्रविधि मन्त्री गोकुलप्रसाद बाँस्कोटाले बताउनुभएको छ ।

नेपाल पत्रकार महासंघ धादिङको २० औँ साधारण सभा र धादिङ सञ्चार सहकारी संस्थाको ८ औँ वार्षिक साधारण सभाको अवसरमा मंगलबार बोल्दै सञ्चार क्षेत्रलाई पूर्ण स्वतन्त्रता दिएकोले तथ्यको आधारमा आलोचना गर्नसमेत आग्रह गर्नुभयो ।

सञ्चारमा बन्देज नभै सरकारको आलोचना गर्न छुट रहेको तर सत्यको आधारमा मात्र आलोचना गर्न आग्रह गर्नुभयो ।

पत्रकारको पारिश्रमिक वृद्धि नेपालको मिडिया हाउसहरुको क्षमतासमेत हेरेर २५ प्रतिशत वृद्धि गरेकोले यसलाई कार्यान्वयन गरेपछि थप कुरा अघि बढाउन सकिने भएकोले यो कार्यान्वयनका लागि सरकारलाई सहयोग गर्न आग्रह गर्नुभयो ।

विस्थापित भइसकेको तुइनमा मानिस चढेर अझै नदी तरिरहेको अवस्था नरहेकोले अब पुलबाट जनताहरु वारिपारि गर्ने गरेको र तुइन विस्थापनको विषय उठाउन आग्रह गर्दै मन्त्री बाँस्कोटाले सही पत्रकारिता गर्नु पर्नेमा जोड दिनुभयो ।

‘हाम्रो पत्रकारिता सिक्दै छ, सिद्धान्त मात्र पढेकोले सिक्दैछ, त्यसैले आग्रह र पूर्वाग्रह त्याग्नुपर्छ’, मन्त्री बाँस्कोटाले सम्बोधन गर्दै बताउनुभयो । सरकार बदल्न विधिबाहिरबाट नभै विधिबाट आउन प्रतिपक्षीहरुलाई आग्रह गर्नुभयो ।

अन्तिम अपडेट: फागुन २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्