२५ लागिन् चक्लेटी हिराेइन वर्षा राउत, अाज जन्मदिन

मंसिर २८, २०७५ शुक्रबार १४:७:२१ | उज्यालो सहकर्मी

अभिनेत्री वर्षा राउतले आज आफ्नो २५ औं जन्मदिन मनाएकी छिन् ।

उनी यतिबेला मह सञ्चारको निर्माणमा बन्दै गरेको चलचित्र दालभात तरकारीको छायाँकनमा व्यस्त छिन् । चलचित्र दालभात तरकारी युनिटले छायाँकनस्थलमै वर्षाको जन्मदिन मनाएको छ ।

दालभात तरकारी युनिटले उनलाई शुभकामना दिनका निम्ति विशेष कार्यक्रमको आयोजना गरेको थियो । उनको अघिल्लो वर्षको जन्मदिन रेडियो अडियोको आयोजनामा रेडियो अडियोकै कार्यालयमा मनाइएको थियो ।

यो वर्ष भने दालभात तरकारीको छायाँकनमा व्यस्त भएका कारण छायाँकनस्थलमै उनको जन्मदिन मनाइएको हो ।

उनलाई शुभकामना दिन रेडियो अडियोका कार्यकारी अध्यक्ष दिपेन्द्र खनियासहित रेडियो अडियोको टिम चलचित्र छायाँकन स्थलमै पुगेका थिए ।
२०५० साल मंसिर २८ गते काठमाडौको थापाथलीमा जन्मेकी वर्षा आज देखि २५वर्षमा प्रवेश गरेकी छिन् ।

वर्षाले विकासराज आचार्यको सिनेमा ‘नाई नभन्नु ल ४’ बाट सिनेमामा डेब्यू गरेकी हुन् । पहिलो सिनेमाबाटै उनले राम्रो सफलता हात पारिन् ।

त्यसपछि उनी लागातार हिट सिनेमा दिने अभिनेत्रीको सूचिमा परेकी छिन् । ‘नार्इं नभन्नु ल ४’ पछि उनले छक्का पञ्जा, जात्रा, छक्का पञ्जा–२ जस्ता सिनेमामा काम गरिन् ।

उनका सिनेमाहरु कारोबारका हिसाबले सुपरहिट रहे । तर ‘छक्का पञ्जा–२’ सँग जुधेका कारण उनको मुख्य भूमिका रहेको सिनेमाख‘मेरो पैसा खै?’भने कारोबारमा पछि रह्यो ।

अन्यथा वर्षाको सिने करिअर पूर्ण रुपमा सफल देखिन्छ । उनी अभिनित चलचित्र गोपीको केही दिनअघि मात्र पोष्टर सार्वजनिकभएको थियो । उनी लामो समयदेखि कलाकार संजोग कोइरालाको प्रेममा छिन् । उनीहरुले यो सम्बन्धलाई पहिलेदेखि नै सार्वजनिक गरिसकेका छन् ।

–उज्यालाे र गफगाफ डटकमको सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्