इञ्जिनियर्सको चुनावमा मतदान जारी

मंसिर २८, २०७५ शुक्रबार १५:१२:१७ | उज्यालो सहकर्मी

काठमाडौं – नेपाल इञ्जिनियर्स एसोसिएशनको नयाँ नेतृत्व चयनका लागि मतदान भइरहेको छ ।

काठमाडौंको कमलादीमा हरेको प्रज्ञा भवनमा नेपाल इञ्जिनियर्स एशोसियशनको नयाँ नेतृत्व चयनका लागि मतदान भइरहेको हो । निर्वाचनमा नयाँ नेतृत्वका लागि प्रगतिशील समूह र लोकतान्त्रिक समूहका इञ्जिनियरहरु प्यानलसहित प्रतिस्पर्धामा उत्रिएका छन ।

केन्द्रीय कार्यकारिणी समितिको निर्वाचनमा प्रगतिशील समूहको नेतृत्व त्रिरत्न बज्राचार्यले गर्नु भएको छ भने लोकतान्त्रिक समूहको नेतृत्व हिरेन्द्रमान प्रधानले गर्नु भएको छ । यसैबीच मतदानमा सहभागी भएका इञ्जिनियरहरुले पेशागत मर्यादा कायम राख्न सक्नेलाई एशोसियशनको नेतृत्वमा चयन गर्ने बताएका छन ।

उनीहरुले इञ्जिनियरहरुको पेशागत मर्यादा कायम राख्न सरकारसँग पनि माग गरेका छन । इञ्जिनियर छविराज पोखरेलले इञ्जिनियरहरुको पेशागत हकहितको सुरक्षा गर्न सक्नेलाई नेतृत्वमा ल्याउनुपर्ने धारणा राख्नुभयो । उहाँले एशोसियशनले गतिशील नेतृत्व चाहेको पनि स्पष्ट पार्नुभयो ।

त्यसैगरी अर्का इञ्जिनियर हरिराम हुँमागाईले आम इञ्जिनियरहरुको पेशागत सुरक्षा दिन सक्ने नेतृत्व चयन गर्ने बताउनुभयो । उहाँले विदेशी इञ्जिनियरहरुलाई प्राथमिकता नदिन सरकारलाई पनि सचेत गराउनुभयो ।

२७ हजार सदस्य आवद्ध रहेको एशोसियशनको ३२ औं कार्यकारिणी समिति र सात वटा प्रदेशको प्रादेशिक कार्यकारिणी समिति गठनका लागि मतदान भइरहेको छ । एशोसियशनको केन्द्रीय कार्यकारिणी समितिमा १८ जना र प्रादेशिक कार्यकारिणी समितिमा १६÷१६ जनाको कार्य समिति हुनेछ ।

दुई वर्षे पदावधि रहेको एशोसियशनको नेतृत्व चयनका लागि जारी मतदान साँझ ५ सम्म हुनेछ । त्यसपछि मतदान सुरु हुने पनि एशोसियशनले जनाएको छ ।

अन्तिम अपडेट: फागुन २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्