मोटरसाइकलबाट लडेर एक महिलाको ज्यान गयो

मंसिर २९, २०७५ शनिबार १४:४१:४ | उज्यालो सहकर्मी

संखुवासभा – संखुवासभाको चैनपुर नगरपालिकाको सभाखोलामा मोटरसाइकलबाट लडेर एक महिलाको ज्यान गएको छ ।

खाँदबारी नगरपालिका–८, बिदाई चौतारा घर भएकी ३५ वर्षकी रहरी श्रेष्ठको मोटरसाइकलबाट लडेर ज्यान गएको प्रहरीले जनाएको छ । बिहीबार बेलुकी साँझ मोटरसाइकलमा इटहरीबाट खाँदबारीतर्फ आउने क्रममा रोकी राखेको ट्याक्टरमा श्रेष्ठको झोला अल्झिएर लड्दा घटनास्थलमा नै उनको ज्यान गएको प्रहरीले जनाएको छ ।

मोटरसाइकल चालक गंगा चौलागाई र मोटरसाइकल समेत नलडेको स्थानीयहरुको भनाई छ । मोटरसाइकलको पछाडि बसेकी श्रेष्ठको झोला अल्झिएर लड्दा उनको टाउकोमा गहिरो चोट लागेको थियो ।

स्थानीय बरुण बोडिङ्ग स्कुलका कार्यालय सहयोगी रहेकी श्रेष्ठको एक छोरा एक छोरी रहेका छन । केही समय अघि उनी श्रीमान राजु श्रेष्ठसँग सम्बन्ध बिच्छेद गरेर अलग्गै बस्दै आएकी थिइन ।

मोटरसाइकललाई प्रहरीले नियन्त्रणमा लिएको छ । शवको जिल्ला अस्पतालमा पोष्टमार्टम भइरहेको जिल्ला प्रहरी कार्यालय संखुवासभाले जनाएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्