प्रिमियर लिगमा आज लिभरपुल भर्सेस म्यानचेस्टर युनाइटेड, अरु काे–काे खेल्दैछन् ?

पुष १, २०७५ आइतबार ९:३७:५४ | उज्यालो सहकर्मी

इंग्लिस प्रिमियर लिगमा आज तीन खेल हुँदैछन् । आजको तीनमध्ये सबैभन्दा महत्वका साथ हेरिएको म्याच लिभरपुल भर्सेस म्यानचेस्टर युनाइटेड हो ।

एन्फिल्डमा हुने खेल नेपाली समय अनुसार राति पौने दश बजे हुनेछ । लिग तालिकामा ४२ अंक सहित दोस्रो स्थानमा रहेको लिभरपुल १८ पटक उपाधि जितिसकेको छ । तर सन् १९९२ मा शुरु भएको आधुनिक लिगपछि भने लिभरपुलले एउटा पनि उपाधि जित्न सकेको छैन ।

सन् १९८९–९० सिजनमा लिग जितेको लिभरपुलले लिग नजितेको २८ वर्ष भयो । तर पछिल्लो दुई सिजनमा लिभरपुल निकै राम्रो फर्ममा छ । म्यानचेस्टर युनइटेडलाई हराएमा लिभरपुल लिग तालिकाको शीर्ष स्थानमा उक्लिनेछ ।

लिभरपुलका जर्मन प्रशिक्षक जर्जेन क्लोपले म्यान्चेष्टर युनाइटेडविरुद्ध लिभरपुल आक्रामक रुपमा प्रस्तुत हुने बताएका छन् । तर युनाइटेडविरुद्ध लिभरपुलले अंक गुमाएमा उसको लिग जित्ने अभियानमा गम्भीर धक्का लाग्नेछ ।

तथ्यांकमा युनाइटेडको रेकर्ड राम्रो देखिँदैन । प्रशिक्षक जोसे मोरिन्होले वल्र्ड ट्राफोर्डको जिम्मा लिएपछि युनाइटेडले ठूलो क्लबहरु म्यानचेस्टर सिटी, लिभरपुल, चेल्सी, टोटनह्याम र आर्सनलसँग २४ खेल खेलेको छ । तर रेड डेभिल्सले जम्मा आठ खेलमात्र जितेको छ । सात खेल बराबरी खेलेको छ ।

आजै साँझ सवा सात बजे चेल्सी र ब्राइटन एण्ड होभ अल्वियनवीच् खेल हुँदैछ भने यही समयमा साउथह्याम्टन र आर्सनल आमने सामने हुँदैछन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्