जान्ह्वी कपूरलाई सारा अली खानले दिइन् मात

पुष २, २०७५ सोमबार १८:५०:३३ | उज्यालो सहकर्मी

सुपरस्टार रजनीकान्त र अक्षय कुमारको फिल्म फिल्म ‘२.०’ प्रदर्शनकै बेला अभिनेत्री सारा अली खानको डेब्यू फिल्म ‘केदारनाथ’ ले समेत दर्शकको मन जितिरहेको छ ।

प्रर्दशन भएको २ हप्तामा समेत केदारनाथले दर्शलाई हलतर्फ तानिरहेको छ । भारतको उत्तराखण्डमा प्रतिबन्ध गरिए पनि यस फिल्मको कमाईमा खासै असर परेको छैन ।

निर्देशक अभिषेक कपूरको निर्देशनमा बनेको यो फिल्मले प्रदर्शन हुनुअघि पनि समस्या झेल्नु परेको थियो । निर्देशक र निर्माताबीचको मनमुटावका कारण यस फिल्मको प्रदर्शन मिति पनि केही समयसम्मका लागि टुंगो लाग्न सकेको थिएन । तर प्रदर्शनपछि भने यस फिल्मले दर्शकको माया र साथ पाउन सफल भएको छ ।

बलिउडमा अभिनेत्री जान्हवी कपूरको फिल्म ‘धडक’ र सारा अली खानको फिल्म ‘केदारनाथ’ लाई तुलना गरेर हेरिएको थियो । यसका साथै यसै वर्ष बलिउडमा डेब्यू गरेकी जान्हवी कपूर र सारा अली खानमध्ये कसले बलिउडमा आफ्नो प्रभाव सफल हुनेछ भन्ने खालका खबरहरु पनि सार्वजनिक भए । फिल्म केदारनाथको अहिलेसम्मको बक्स अफिस कलेक्सन हेर्दा साराले जान्हवी कपूरलाई पछाडि पारिदिएकी छिन् ।

खबरहरुका अनुसार फिल्म केदारनाथ’ प्रदर्शनको दोस्रो हप्ता अर्थात डिसेम्बर १६ आइतबार सम्म ५४.२१ करोडको व्यापार गरिसकिएको छ । अभिनेत्री जान्हवी कपूरको फिल्मले ५१.५६ करोडको व्यापार गरेको थियो । यस अनुसार फिल्म ‘धडक’ लाई ‘केदारनाथ’ पछाडी पारिदिएको छ ।

फिल्म ‘केदाराथ’ मा एक हिन्दू तीर्थयात्री युवती र एक मुस्लिम भरियाबीचको प्रेमकहानीलाई देखाइएको छ । जहाँ सुशान्त सिंह राजपुत सारा अली खानलाई बोकेर केदारनाथको दर्शन गराउनका लागि मन्दिरसम्म पु¥याउने काम गर्छन ।

फिल्म ‘केदारनाथ’ को कथा सन् २०१३ मा उत्तराखण्डमा आएको बाढीको परिवेशमा घुमेको छ । यस फिल्मबाटै डेब्यू गरेकी सारा अली खानको अभिनय क्षमताको समेत अहिले चर्चा भइरहेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्