झुटो भरपाई बनाई सामाजिक सुरक्षा भत्ता लिने २ कर्मचारीविरुद्ध अदालतमा मुद्धा

पुष ३, २०७५ मंगलबार १४:२२:२९ | उज्यालो सहकर्मी

काठमाडौं – सिरहाको साविकको रामपुरविर्ता गाविसका २ जना कर्मचारीविरुद्ध विशेष अदालत काठमाडौंमा भ्रष्टाचारको मुद्धा दायर भएको छ ।

सामाजिक सुरक्षा भत्ता वितरणमा अनियमितता गरेको भन्दै उनीहरुविरुद्ध झण्डै १० लाख ८४ हजार रुपैयाँ बिगोसहित अख्तियार दुरुपयोग अनुसन्धान आयोगले भ्रष्टाचारविरुद्धको मुद्धा दायर गरेको हो ।

प्राविधिक सहायक प्रदिप ठाकुरले आफ्नो बुवा र आमाको उमेर बढाएर जेष्ठ नागरिकको सामाजिक सुरक्षाभत्ता केही वर्षदेखि बुझ्दै आएको र ठाकुरले मृतक व्यक्तिको समेत भत्ता निकासा गरी आफैले लिइरहेको अख्तियारको दावी छ ।

ठाकुरले सामाजिक सुरक्षा भत्ता वितरण गर्दा ५ सय ४६ वटा भरपाईमा आफैले औँठाछाप लगाई नौ लाख बैसठ्ठी हजार रुपैयाँ पनि आफैँले लिएको खुल्न आएको अख्तियारका प्रवक्ता रामेश्वर दंगालले जानकारी दिनुभयो ।

यस्तै कार्यालय सहयोगी राजकुमार महराले ६६ वटा भरपाईमा आफैले औँठाछाप लगाई १ लाख २२ हजा रुपैयाँ बराबरको रकम वितरण गरेको भनि झुटो भरपाई बनाई सामाजिक सुरक्षाबापतको सरकारी रकम आफैले दिएको अख्तियारको ठहर छ ।

अन्तिम अपडेट: फागुन २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्