पुलिससँगको हारपछि लिगको दोस्रो स्थानमा रहने लक्ष्यमा थ्रीस्टारलाई धक्का

पुष १३, २०७५ शुक्रबार १७:४२:१३ | उज्यालो सहकर्मी

काठमाडौं – स्मारक ए डिभिजन लिगमा थ्रीस्टार क्लब नेपाल पुलिससँग तीन–एकले पराजित भएको छ । हारपछि थ्रीस्टारको लिगको दोस्रो स्थानमा रहने लक्ष्यमा ठूलो धक्का लागेको छ ।

सातदोबाटोमा रहेको एन्फा मैदानमा भएको खेलमा थ्रीस्टारले एक गोलको अग्रता जोगाउन सकेन । खेलको १२ औँ मिनेटमा विदेशी खेलाडी अल्ब्रेटको गोलमार्फत अग्रता बनायो । पुलिसका गोलकिपरको गल्तीको फाइदा उठाउदै उनले गोल गर्न सफल भए । तर २० औँ मिनेटमा पुलिसले खेल बराबरी गर्न सफल भयो । उसका लागि निरकुमार राईले गोल गरे ।

त्यसपछि पनि दुवै टिमले केही मुभ बनाए पनि गोल गर्न सकेनन् । पहिलो हाफ एक–एक गोलको बराबरी भएको खेलको दोस्रो हाफमा पुलिसले दुई गोल थप्यो । खेलको ४७ औँ मिनेटमा थ्रीस्टारका विजय धिमालले डिबक्समा हातले बल छोएपछि पाएको पेनाल्टीलाई पुलिसका अभिशेक रिजालले गोल गर्न सफल भए ।

त्यसपछि ५५ औँ मिनेटमा पुलिसका कप्तान भोला सिलवालले थ्रीस्टारको डिफेन्स र गोलकिपरलाई बिट गर्दै उत्कृष्ट गोल गरे ।

खेलको ८६ औँ मिनेटमा थ्रीस्टारले पेनाल्टीको अवसर पाएको थियो । तर रञ्जित धिमालको प्रहार पुलिसका गोलकिपरले बचाए । त्यसपछि थ्रीस्टार खेलमा फर्कन सकेन र पराजित भयो । जारी लिगमा उसको यो दोस्रो हार हो ।

हारपछि थ्रीस्टार लिगको तेस्रो स्थानमा नै रहेको छ भने पुलिस १८ अंकका साथ पाचौँ स्थानमा उक्लिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्