आफ्नो सुविधाको २० प्रतिशत रकम मासिक रुपमा असहायलाई दिने खापर गाउँपालिकाका अध्यक्ष शाहीको घोषणा

पुष १५, २०७५ आइतबार १९:३२:२३ | निमेन्द्र शाही

बाजुरा – बाजुराको जिल्लाको स्वामीकात्तिक खापर गाउँपालिकाका अध्यक्ष चिरञ्जिवी शाहीले गाउँपालिकाबाट आफूले पाउने सुविधाको २० प्रतिशत रकम गाउँपालिकाभित्र रहेका अनाथ, असहाय, अपाङग बालबालिकाहरुका लागि सहयोग गर्ने घोषणा गर्नुभएको छ ।

उहाँले गाउँपालिकाभित्र रहेका गरिब, असहाय, अनाथ बालबालिकाको पोषण, शिक्षा र पठन–पाठनलगायत कुरामा खर्च गर्ने गरी सहयोग गर्ने घोषणा गर्नुभएको हो । गाउँपालिकाको वडा नम्बर पाँच मिगुमा आयोजना गरिएको एक कार्यक्रममा उहाँले यस्तो घोषणा गर्नुभएको हो ।

स्वामीकात्तिक खापर गाउँपालिका वडा नम्बर ५ मिगुकी स्थानीयवासी ३३ वर्षकी शिवु महताराको मृत्यु भएको आइतबार एक वर्ष पुगेको थियो । त्यस अवसरमा आयोजना गरिएको एक कार्यक्रममा मृतकका छोराछोरीका लागि २५ हजार रुपैयाँ प्रदान गरेर यस्तो घोषणा गर्नुभएको हो ।

गाउँपालिकाको सबैभन्दा दुर्गम मानिने मिगु गाउँकी महतारा प्रसुति भएर सन्तानको जन्म दिन त सफल हुनुभयो तर आफूले संसार छोडेर जानुभयो । प्रसुतिपछि अत्याधिक रक्तस्राब भएर उहाँको ज्यान गएको थियो । घरबाट स्वास्थ्य संस्थामा पुग्न झण्डै ६ घण्टाको बाटो हिँड्नु पर्दथ्यो । सुडेनीको भरमा प्रसुति गराएपछि बच्चा बाँचे पनि आमाको ज्यान गयो र चार बालबालिका टुहुरा भए ।

जन्मिएको एक दिनमै आमा बितेपछि गाईभैँसीको दूध ख्वाएर हुर्काइएका एक वर्षका सञ्जिव महताराको पोषणको अवस्था नाजुक देखेपछि अध्यक्षले सहयोग गर्ने घोषणा गर्नुभएको हो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्