भारतविरुद्धको एक दिवसीय क्रिकेटका लागि अष्ट्रेलियाको टोलीमा काे-काे परे?

पुष २०, २०७५ शुक्रबार २०:३०:२९ | उज्यालो सहकर्मी

अष्ट्रेलियाले भारतविरुद्धको एक दिवसीय क्रिकेट सिरिजका लागि टिमको घोषणा गरेको छ ।

एरोन फिन्चको कप्तानीमा तीनवटा एक दिवसीय क्रिकेट अष्ट्रेलियाले जनवरी १२ तारिखदेखि खेल्दै छ । अहिले चौथो टेस्ट खेलिरहेको घरेलु टोली अष्ट्रेलिया भारतसँग २–१ ले पछाडि छ ।

एक दिवसीय क्रिकेटका लागि घोषणा गरिएको १४ सदस्यीय टिममा ३४ वर्षीय पीटर सीडल पनि समावेश भएका छन् । उनी अष्ट्रेलियाको राष्ट्रिय टिममा ८ वर्षपछि सामेल हुन लागेका हुन् ।

सीडलले अन्तिम एक दिवसीय क्रिकेट सन् २०१० मा श्रीलंकाविरुद्ध खेलेका थिए । यसैगरी सीडलका साथै उस्मान खवाजा र नेथन लायन पनि समावेश छन् । लायन दक्षिण अफ्रिकाविरुद्धको सिरिजमा बाहिर थिए ।

अष्ट्रेलियाका क्रिकेटर उष्मान खवाजा

उनी पनि २ वर्षपछि टिममा परेका हुन् । यसैगरी खवाजा २०१६ मा श्रीलंकाविरुद्ध खेलेयता टिममा परेका थिएनन् । खवाजाले टेस्टमा स्थान बनाए पनि एक दिवसीयमा बलियो पकड बनाउन सकेका छैनन् । ३८ टेस्ट खेलिसकेका खवाजाले जम्मा १८ वटा एक दिवसीय क्रिकेट खेल्दै ५७० रन बनाएका छन् ।

यसैगरी अष्ट्रेलियाले आउँदाे सिरिजका लागि दुईजना उपकप्तान पनि बनाएको छ । सन् २०१७ को मार्चमा बल टेम्पिरिङ भएपछि अष्ट्रेलिया क्रिकेट बोर्डले यस्तो रणनीति बनाएको हो ।

भारतविरुद्धको एक दिवसीय क्रिकेटमा अलराउण्डर मिचेल मार्श र विकेटकीपर एलेक्स क्यारीलाई उपकप्तान बनाइएको छ । यसैगरी तीव्र गतिका बलर मिचेल स्टार्क, जोश हेजलवुड र प्याट कमिन्सलाई श्रीलंकाविरुद्धको टेस्ट क्रिकेटका लागि ‘ब्याक अप’मा राखिएको छ ।

यस्तै क्रिस लिन, ट्राभिस हेड र डार्सी शर्ट खराब लयका कारण टिममा स्थान बनाउन असफल भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्