रियल मड्रिड ला लिगाको चाैथाे स्थानमा

पुष ३०, २०७५ सोमबार ७:२१:३४ | उज्यालो सहकर्मी

स्पेनिस ला लिगा फुटबल अन्तर्गत आइतबार राति भएको खेलमा रियल बेटिसलाई हराउँदै रियल मड्रिड ला लिगाको चौथो स्थानमा उक्लिएको छ ।

ड्यानी सेबालोसले खेलको अन्त्यतिर उत्कृष्ट फ्रिकिक गोल गरेपछि रियल बेटिसलाई दुई एक गोलले हराउँदै रियल मड्रिड स्पेनिस ला लिगाको चौथो स्थानमा उक्लिएको हो ।

रियलले १३ औं मिनेटमै लुका मोड्रिचको गोलमार्फत अग्रता बनाएको थियो । तर, दोस्रो हाफमा भिडियो असिस्टेन्ट रेफ्री (भार)ले रेफ्रिको अफसाइडको निर्णय उल्टाएर बेटिसका सेगियो कानालेसको गोललाई मान्यता दिएसँगै ६७ औं मिनेटमा खेल बराबरीमा आएको थियो ।

८८ औं मिनेटमा रियलले फ्रिकिक पायो । ७४ औं मिनेटमा रिगुइलनलाई प्रतिस्थापन गरी मैदान प्रवेश गरेका स्पेनिस मिडफिल्डर काबालोसले फ्रिकिकमार्फत आफ्नो पूर्वक्लवबिरुद्ध गोल गरी टिमलाई स्पष्ट तीन अंक दिलाए ।

यो जितले रियल ला लिगाको चौथो स्थानमा उक्लिएको छ । यद्यपी शीर्ष स्थानको बार्सिलोना भन्दा अझै १० अंकले पछडि छ ।

यसअघि भएको खेलमा लियोनल मेस्सीले ला लिगा इतिहासमै ४०० गोल गर्ने पहिलो खेलाडीको कीर्तिमान राख्दा बार्सिलोनाले लिगमा लगातार सातौं जित हासिल गरेको थियो र अंकतालिकामा ५ अंकको स्पष्ट अग्रता कायमै राखेको थियो ।

रियलको १९ खेलबाट ३३ अंक छ । समान अंक भए पनि सेभिया गोलअन्तरका आधारमा तेस्रो स्थानमा र एक अंक कम रहेको अलाभेस पाँचौं स्थानमा छन् । दोस्रो स्थानको एट्लेटिकोको ३८ र शीर्ष टोली बार्सिलोनाको ४३ अंक पुगेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्