सर्लाहीमा विद्युत चोरी कायमै, अनुगमनमा जान डराउँछन् प्राधिकरणका कर्मचारी

पुष ३०, २०७५ सोमबार १८:५६:४९ | रामबाबु खड्का

सर्लाही – सर्लाहीका ग्रामिण बस्तीमामा २५ प्रतिशतभन्द बढी विद्युत हुकिङबाट चुहावट हुने गरेको छ ।

सर्लाहीको धनगडा, खोरिया, कबिलासी, मदनपुर अचलगड, बलरालगायतका ग्रामिण बस्तीमा स्थानीयले हुकिङ गरेर बिजुली प्रयोग गर्ने गरेका छन । हुकिङ गरेर उनीहरुले हिटर बाल्ने, मिल चलाउने, पानी तान्ने बत्ती बाल्ने गरेका हुन । ग्रामिण बस्तीका अधिकांशले यसरी नै चोरी गरेर विद्युतको प्रयोग गर्न थालेपछि सर्लाहीमा अहिले तालिकाभन्दा बढी लोडसेडिङ हुन थालेको छ ।

विधुत चोरीको कारण साँझपख बिजुली बत्ती जाने र कम भोल्टेज आउने गरेकाले उपभोक्तहरु समस्य परेका छन । प्रधिकरणले विद्युत चुहावट गरी विद्युत बाइपास गर्नेलाई नियन्त्रणमा लिएर साउनदेखि अहिलेसम्म कारबाही गर्दा झण्डै २२ लाख जरिवाना असुली भएको विद्युत प्रधिकरण मलंगवा शाखाका प्रमुख माधवकुमार यादवले जानकारी दिनुभयो ।

स्थानीयले अझै पनि हुकिङ गरेर बिजुली प्रयोग गरेकाले प्रधिकरणलाई महिनाको लाखौं रुपैयाँ नोक्सान भएको उहाँले बताउनुभयो । धेरै बिजुली चोरी हुने बस्तीमा प्रधिकरणले फेरि अभियान चलाएर हुकिङ नियन्त्रण गर्ने तयारी गरेको छ । जिल्लाको मलगवा, हरिपुर र बरहथवा वितरण केन्द्रबाट प्रसारण हुने विद्युत बढी मात्रामा चोरी हुने गरेको छ ।

पछिल्लो समय भारती भुमिमा बसोबास गरेका केही भारती नागरिकले समेत नेपालबाट विधुत चोरी गरेर प्रयोग गर्ने गरेका छन।भारतको बिहारसँग सीमाना जोडिएको दक्षिणी भागका गाउँहरुमा बढी विद्युत चुहावट हुने गरेको र हुकिङ नियन्त्रणका लागि जाँदा प्राधिकरणका कर्मचारी माथि नै गाउँलेहरुले आक्रमण गर्ने गरेकाले बिना सुरक्षा जान नसकिने प्रधिकरणका कर्मचारीहरुले गुनासो गरेका छन ।

बढी विद्युत चुवाहट हुने भएपछि ग्रमिण भेगमा जडान गरिएका विद्युतीय ट्रन्सफर्मरमा समेत चाडै नै क्षति पुग्ने गरेको प्रधिकरणले जनाएको छ । विद्युत चोरी गर्नेलाई धमाधम कारबाही गर्न थालेपछि अहिले विद्युत चुहावट ३० प्रतिशतबाट घटेर २५ प्रतिशतमा झरेको प्रधिकरणले दाबी गरेको छ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सर्लाहीमा विद्युत चोरी कायमै, अनुगमनमा जान डराउँछन् प्राधिकरणका कर्मचारी

फाइल तस्बिर

तपाईको प्रतिक्रिया