आईसीसी टेस्ट वरियतामा भारत शीर्ष, दक्षिण अफ्रिकालाई ठूलो सफलता

माघ १, २०७५ मंगलबार ७:१:४७ | उज्यालो सहकर्मी

आईसीसी टेस्ट वरियतामा भारत शीर्ष स्थानमा यथावत रहेको छ । उसले ११६ अंक बनाउँदै शीर्ष स्थानमा यथावत रहेको हो । यस्तै पाकिस्तानविरुद्धको सिरिज क्लीनस्वीप गरेको दक्षिण अफ्रिका दोस्रो स्थानमा आएको छ । अफ्रिकाको ११० अंक रहेको छ ।

पाकिस्तानविरुद्धको सिरिज क्लीनस्वीप गरेपछि ४ अंक जोडेको अफ्रिकाले इंग्ल्याण्ड र न्यूजिल्याण्डलाई पछि पारेको हो । इंग्ल्याण्डको १०८ र न्यूजिल्याण्डको १०७ अंक रहेको छ । गएको साता अष्ट्रेलियाविरुद्धको सिरिज २–१ ले जितेपछि भारतको अंक ११६ पुगेको हो ।

अफ्रिकासँग सिरिज पराजित भएपछि पाकिस्तान भने एक स्थान तल झर्दै सातौं नम्बरमा पुगेको छ । पाकिस्तानले टेस्ट सिरिज सुरुगर्दा ९२ अंक रहेको थियो । पराजय भएपछि ८८ अंकमा झरेको हो ।

वरियतामा भारत शीर्ष स्थानमा रहँदा दक्षिण अफ्रिका दोस्रो, इंग्ल्याण्ड तेस्रो र न्यूजिल्याण्ड चौथो स्थानमा छ । पाँचौ स्थानमा अष्ट्रेलिया हुँदा छैटौं स्थानमा श्रीलंका रहेको छ । सातौं स्थानमा पाकिस्तान रहँदा वेस्टइन्डिज आठौं, बंगलादेश नवौ र जिम्बावे दशौं स्थानमा छ ।

२३ जनवरीदेखि सुरुहुने इंग्ल्याण्ड र वेस्टइन्डिजबीचको सिरिजमा इंग्ल्याण्डले सफलता हात पारे दक्षिण अफ्रिकालाई अर्को वरियता सार्वजनिक गर्दा पछि पार्ने छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्