बद्रीले आमाहरुलाई यसरी रुवाए, त्यसपछि छमछमी नचाए

माघ ८, २०७५ मंगलबार ९:३४:२९ | प्रेमनारायण आचार्य

अर्घाखाँची –

बाध्य भइयो परदेशमा छिर्न ।
मैले पढ्दा लाएको ऋण तिर्न ।
आमा बिदा पाउँदिन अहिलेको साल पनि घरमा आउँदिन ।

लोक दोहोरी गायक बद्री पंगेनी मञ्चमा प्रवेश गरेसँगै यो गीत गाएपछि मेला हेर्न आएका दर्शकको आँखामा आँसु थामिएन । धेरैले आफ्नो मोबाइल र क्यामेराले फोटो तथा भिडियो खिच्न थाले ।

अर्घाखाँचीको सन्धिखर्कमा भैरहेको अर्घाखाँची महोत्सवमा पंगेनीले सबैलाई भावविह्वल पारे । उनी गीत गाउँदै दर्शकसँग पुगे धेरै आमाहरु उनको मुहार हेर्दै आँसु झारिरहेका थिए ।

यो गीत गाइ सकेपछि पंगेनीले सबैलाई सम्झाउँदै भने ‘सबै रुन पो थाल्नु भयो आज त मेला हेर्न आउनु भएको हाँस्ने र नाच्ने हो ।’ त्यसपछि उनले एउटा भजन गीत गाए । सबैजना नाच्न थाले । उनले अब आमा दिदी बहिनी तथा युवाहरुलाई विदेश जाने हैन स्वदेशमै केही गरौँ भनेर सम्झाए ।

पंगेनीले जब गीतमा हाम्रो गाँउमा स्कुल छैन, बाटो छैन, पानी छैन, जनतालाई साँझ बिहान पेटभरि खान छैन भनेर गीत गाए सबै दर्शकले ताली बजाएर हात हल्लाउन थाले । सबैले हो यहि नै छ हाम्रो अबस्था भनेर संकेत पनि गरे ।

त्यसपछि उनले ससुरालीमा, मन थिएन जोगी बन्नलाई, पञ्चेबाजाको टाइकुटी टाइलगायतका गीत गाए । अर्घाखाँचीसहित छिमेकी जिल्ला गुल्मी, प्यूठान, कपिलवस्तु र पाल्पाबाट मेला हेर्न आएका हजारौं दर्शकलाई बद्रीले गीत गाएर भरपुर मनोरञ्जन दिए ।

अर्घाखाँची जिल्लामा रहेका धार्मिक तथा पर्यटकीय स्थलको प्रचारप्रसार गरी संस्कृतिको जगेर्ना गर्ने उद्धेश्यले गरिएको महोत्सवमा प्रमोद खरेल, अमृता भट्टराई, शोभा त्रिपाठी लगायतले आ–आफ्नो प्रस्तुती दिएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्