ब्याटिङमा सुधार गर्नसके यूएईविरुद्ध सिरिज जित्न सकिन्छ: कप्तान पारस खड्का

माघ ८, २०७५ मंगलबार १६:४८:५२ | उज्यालो सहकर्मी

काठमाण्डाै - नेपाली राष्ट्रिय क्रिकेट टिमका कप्तान पारस खड्काले यूएईविरुद्धको सिरिजमा ब्याटिङमा सुधार गर्नसके सिरिज जित्न सकिने प्रष्ट पारेका छन् ।

आईसीसीबाट ४ वर्षका लागि एक दिवसीय मान्यता पाएपछि दोस्रो सिरिज खेल्न जान लागेको नेपाली टिमको बिदाइ समरोहमा कप्तान खड्काले भने, ‘अहिले घरेलु प्रतियोगिता लगातार खेलेकाले अभ्यास पनि राम्रो भएको छ ।’ विगतमा बलिङ र ब्याटिङमा समस्या देखिए पनि बलिङको समाधान भएकाले ब्याटिङमा भने सुधारको आवश्यकता रहेको प्रष्ट पारे ।

यूएईविरुद्धको ३ वटा एक दिवसीय र ३ वटा टी–२० खेल्न जान लागेको टिमलाई राष्ट्रिय खेलकुद परिषद राखेपका सदस्य सचिव केशव कुमार विष्टले बिदाइ गर्नुभएकाे छ । पारस खड्काको कप्तानीमा रहेको नेपाली टिममा ज्ञानेन्द्र मल्ल (उपकप्तान), सन्दीप लामिछाने, वसन्त रेग्मी, दीपेन्द्रसिंह ऐरी, करण केसी, ललितनारायण राजवंशी, आरिफ शेख, रोहितकुमार पौडेल, प्रदीप ऐरी, सोमपाल कामी र विनोद भण्डारी छन् ।

त्यस्तै भीम सार्की, अविनाश बोहरा, पवन सर्राफ र सन्दीप जोरा पनि टिममा रहेका छन् । भीम, अविनाश, पवन र सन्दिपले सिनियर राष्ट्रिय टोलीमा पहिलो पटक स्थान बनाएका हुन ।

नेपालले यूएईसँग पहिले एक दिवसीय सिरिज खेलेपछि मात्र टी–ट्वेन्टी सिरिज खेल्नेछ । नेपालले यही माघ ११, १२ र १४ गते एक दिवसीय खेल खेल्नेछ । त्यसपछि माघ १७, १८ र २० गते टी–ट्वान्टी सिरिज खेल्नेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्