कालो धन लुकाउन मिडियामा लगानी गर्ने क्रम बढेको छ: मुख्यमन्त्री पोख्रेल

माघ ११, २०७५ शुक्रबार २०:२१:७ | प्रेमनारायण आचार्य

अर्घाखाँची – प्रदेश नम्बर–५ को प्रदेशस्तरीय सञ्चार सम्मेलन शुक्रबारदेखि जलुके सातमारामा रहेको स्वर्गीय कृष्ण सेन इच्छुकको भग्नावशेष घरमा सुरु भएको छ ।

नेपाल पत्रकार महासंघ प्रदेश नम्बर–५ को आयोजनामा सुरु भएको सम्मेलनको उद्घाटन मुख्यमन्त्री शंकर पोख्रेलले गर्नुभएको छ ।

सम्मेलनलाई उद्घाटन गर्दै मुख्यमन्त्री पोखरेलले रातारात कमाउनेहरु सुरक्षित हुनका लागि मिडियामा लगानी गर्ने गरेको दाबी गर्नुभयो ।
उहाँले कालो धन लुकाउन मिडियामा लगानी गर्ने क्रम बढेको बताउनु भएको छ ।

मिडियामा लगानी गर्ने र निष्पक्षता बाहिर रहेर आलोचना गर्ने पवृत्ति बढेको भन्दै त्यसलाई रोक्न पत्रकार महासंघले वहस चलाउनु पर्ने अहिलेको आवश्यकता रहेको उहाँको भनाइ छ ।

मुख्यमन्त्री पोखरेलले पत्रकार कृष्णसेन इच्छुकको नाममा जलुकेमा संग्रहालय बनाउन सकिने बताउँदै प्रदेश सरकारले प्रदेशको प्रमुख पहाडी सडक कृष्णसेनकै नाममा स्थापना गरेको समेत जानकारी गराउनु भयो ।

कार्यक्रममा पत्रकार महासंघका केन्द्रीय अधयक्ष गोविन्द आचार्य, प्रदेश सांसद इन्द्रजित थारु, महासचिव रमेश बिष्ट, पूर्व केन्द्रिय सदस्य सूर्य थापा, सन्धिखर्क नगरपालिकाका नगर प्रमुख कमल प्रसाद भुसाल, शितगंगा नगरपालिकाका नगर प्रमुख सुर्यप्रसाद अधिकारी, सहायक प्रमुख जिल्ला अधिकारी विष्णुराज वेल्वासे लगायतले मन्तव्य राख्नुभएको थियो ।

राप्ती किनारमा कृष्णसेनको घरको छेउमा गरिएको मिडिया सम्मेलनमा प्रदेश ५ का पत्रकारहरको सहभागिता रहेको छ । दुई दिनसम्म चल्ने सम्मेलनले प्रादेशिक मिडिया संरचनाका विषयमा छलफल गरी निष्कर्ष निकाल्ने प्रदेश पत्रकार महासंघका अध्यक्ष मौसम रोकाले जानकारी दिनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्