बिदाको अवज्ञा गर्दै मुख्यमन्त्री कार्यालयसँगै जोडिएको कार्यालय पनि खुल्यो

माघ १६, २०७५ बुधबार १६:२:२३ | हरि हुमागाईं

मकवानपुर - तीन नम्बर प्रदेशमा सार्वजनिक बिदा दिइए पनि संघीय सरकार अन्तरगत रहेका सरकारी कार्यालयहरु बुधबार सञ्चालनमा आएका छन् ।

तीन नम्बर प्रदेश सरकारको मुख्यमन्त्री तथा मन्त्री परिषदको कार्यालयसँगै रहेको जिल्ला प्रशासन कार्यालय मकवानपुर बुधबार बिहान १० बजेदेखि नै खुलेको थियो ।

संघीय सरकार अन्तरगतका मकवानपुरका प्रमुख जिल्ला अधिकारी अस्मान तामाङले भने आफू बिहानै देखि धरान चतराको सडक अनुगमन गर्न आएकाले कुन कार्यालय खुले–नखुलेको थाहै नभएको बताउनुभयो ।

संघीय सरकारले आफ्ना मातहतका कार्यालयहरु खोल्न निर्देशन दिएकाले कार्यालयहरु सञ्चालनमा ल्याइएको कर्मचारीहरुले बताएका छन् ।
मुख्यमन्त्री कार्यालय र मन्त्रालयहरु नजिक रहेका संघीय सरकारका कार्यालयहरु जिल्ला प्रशासन कार्यालय, नापी कार्यालय, मालपोत कार्यालय, कोष तथा लेखा नियन्त्रण कार्यालयसहितका संघीय सरकार अन्तरगतका कार्यालयहरु बुधबार निर्बाध खुलेका हुन् ।

सरकारी एवं निजी बैंकले पनि प्रदेश सरकारको बिदाको बेवास्ता गर्दै नियमित झैं सेवा दिएका छन् । प्रदेश सरकारको बिदा कार्यान्वयन गर्नेमा विद्यालय, उद्योग कलकारखाना, प्रदेश तहका कार्यालय र स्थानीय तहका कार्यालय परेका छन् । कुनै कार्यालय खुल्ने तर कुनै बन्द हुँदा सेवाग्राही भने अन्यौलमा परेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्