२२ वर्षीय कतारी फुटबलर अलमोएज अलीले तोडे अली दाइको रेकर्ड

माघ १८, २०७५ शुक्रबार २२:२६:४२ | उज्यालो सहकर्मी

कतारले जापानलाई ३–१ गोल अन्तरले हराउँदै पहिलो पटक एसियन कप फुटबलको उपाधि उचालेको छ । जितसँगै कतारले पहिलो पटक एसियन कप फुटबलको उपाधि उचाल्दै इतिहास रचेको छ ।

आबुधावीस्थित शेख जायेद स्पोर्टस सिटी रंगशालामा जारी खेलमा १२ औं मिनेटमा कतारले जापानविरुद्ध सुरुवाति अग्रता बनाएको थियो । अलमोएज अलीले गोल गर्दै कतारलाई अग्रता दिलाएका थिए । अलमोएज अलीले पनि आजको खेलमार्फत एसियन कप फुटबलको इतिहासमा कीर्तिमान कायम गरेका छन् । उनले एसियन कप फुटबलको एउटै प्रतियोगितामा सबैभन्दा बढी गोल गर्ने खेलाडीको रेकर्ड कायम गरेका छन् ।

उनले इरानी खेलाडी अली दाइले सन् १९९६ को एसियन कप फुटबलमा गरको ८ गोलको रेकर्ड तोडेका हुन् । २२ वर्षीय अलमोएज अलीको जन्म सुडानमा भएको थियो ।

सेतो जर्सीमा इरानी पूर्व फुटबलर अली दाइ

२७ औं मिनेटमा अब्देलअजिज हातिमले गोल गर्दै कतारको अग्रता दोब्बर पारे ।

जापानका लागि खेलको ६९औँ मिनेटमा ताकुमी मिनामोनोले एक गोल गरे । त्यस्तै खेलको ८३औँ मिनेटमा पेनाल्टीमार्फत गोल गर्दै अक्रम हसन अफिफले कतारको अग्रता ३–१ पुर्याएका थिए ।

जापानलाई ३–१ले हराउँदै एसियन कप फुटबलको च्याम्पियन बन्दै कतारले इतिहास रच्यो

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्