चाँगुनारायण नगरपालिकाले नगरभित्र इँटाभट्टा सञ्चालनमा रोक लगाउने

माघ २२, २०७५ मंगलबार १३:२७:२५ | उज्यालो सहकर्मी

भक्तपुर – चाँगुनारायण नगरपालिकाले आफ्नो नगरपालिका क्षेत्रभित्र इँटाभट्टा सञ्चालनमा रोक लगाउने भएको छ । नगरपालिकाले बनाएको इँटाभट्टा सञ्चालन गर्न नपाउने नियम पालना गर्न व्यवसायीलाई आग्रह गर्दै अटेर गरे कारबाही गरेरै भए पनि हटाउने नगर प्रमुख सोमप्रसाद मिश्रले बताउनुभयो ।

नगरपालिकाले आयोजना गरेको इँटाभट्टा व्यवसायीहरुसँगको अन्तर्क्रिया कार्यक्रममा प्रमुख मिश्रले नगर क्षेत्रभित्र इँटाभट्टा सञ्चालन गर्न नपाउने नियम पालना गर्न व्यवसायीहरुलाई आग्रह गर्दै अन्य वैकल्पिक पेशा सञ्चालन गर्न सुझाव दिनुभयो । मिश्रले भन्नुभयो “इँटा भट्टाका कारण भक्तपुर प्रदुषित बन्दै गएको छ, अब चाँगुनारायण नगरपालिका क्षेत्रभित्र इँटा भट्टाहरु बन्द गर्ने नगरपालिकाले निर्णय गरिसकेको छ, त्यसैले नगरपालिकाको नियम पालना गर्दै इँटाभट्टा बन्द गर्न अनुरोध गर्दछौँ ।”

अहिले सञ्चालनमा रहेका भट्टाहरुका कारण माटोको क्षयीकरण भइ कृषि उत्पादनमा ह्रास आएको र आम मानिसको स्वास्थ्यमासमेत प्रतिकुल असर गरेको भन्दै उहाँले नगर क्षेत्रभित्र इँटाभट्टा हटाउने अभियान नगरपालिकाले नै सञ्चालन गर्ने बताउनुभयो । उहाँले आगोले नपोलीकनै बिजुलीबाटै अत्याधुनिक रुपमा उत्पादन हुने इँटा उद्योग सञ्चालन गर्न भने नगरपालिकाले प्रोत्साहन गर्नेमा जोड दिनुभयो । कार्यक्रममा नगरपालिकाका उपप्रमुख बिना बास्तोलाले भट्टाका कारण नगरको सुन्दरता नै कुरुप बनेकोले इँटाभट्टा बन्द गर्नुको विकल्प नभएको बताउनुभयो ।

नगरपालिकाका प्रमुख प्रशासकीय अधिकृत चिरञ्जिवी तिमिल्सिनाले भट्टाहरु नगरपालिकाको नियमन क्षेत्रभित्र आइसकेको अवस्थामा प्रदुषणयुक्त भट्टाहरु सञ्चालन गर्ने छुट अब नगरपालिकाले दिन नसक्ने बताउनुभयो । वडा नं. ३ का वडा अध्यक्ष श्यामसुन्दर धिमालले भट्टाले नगरपालिकालाई तिरेको करभन्दा कैयौं गुणा प्रदुषण उत्पादन गरी नागरिकको स्वास्थ्यसँग खेलवाड गरेको बताउनुभयो ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्