भ्रष्टाचारीको कुनै जात, धर्म हुँदैन: पूर्वमन्त्री शर्मा

माघ २३, २०७५ बुधबार १७:५४:४१ | रामबाबु खड्का

सर्लाही - पूर्वमन्त्री तथा नेकपाका नेता जनार्दन शर्मा प्रभाकरले सरकारको नाम मात्र नयाँ भएर नागरिकले अधिकार नपाउने बताउनुभएको छ ।

उहाँले देशमा पटकपटक राज्यसत्ता परिवर्तन भए पनि अहिलेसम्म संस्कृति र संस्कार परिवर्तन नभएकाले वर्तमान सरकार परिवर्तन तिर लाग्नुपर्ने बताउनुभयो। सर्लाहीको हरिवनमा आयोजित हरिवन सफाइ कार्यक्रमको उद्घाटन गर्दै पूर्वमन्त्री शर्माले नयाँ संविधानमा केही कुराको अलमल भए पनि नागरिकलाई अधिकार र विकासको अनुभूति हुनेगरी सरकार काममा लाग्नु पर्ने उहाँको भनाइ छ।

पुरानै शैलीमा राज्यव्यवस्था सञ्चालन नहुने भएकाले अब तीनै तहको सरकारले योजना ल्याउँदा सबैभन्दा तल्लो समुदायको आर्थिक र सामाजिक विकास हुने नीति तथा कार्यक्रम ल्याउनु पर्नेमा पनि उहाँले जोड दिनुभयो ।

समृद्ध नेपाल, सुखी नेपाली सरकारको लक्ष्य भएकाले अब सरकार नागरिकको काममा लाग्नुपर्ने उहाँले बताउनुभयो ।

देशमा भ्रष्टाचार अन्त्य नभएसम्म नागरिकले कल्पना गरेजस्तो राष्ट्र नबन्ने बताउँदै नेता शर्माले भ्रष्टाचारीको कुनै जात धर्म नहुने बताउनुभयो ।

फरक प्रशङ्गमा संघीयता स्थापित गर्न सबै भन्दा बढी लडेको पार्टी नेकपा भएकाले संविधानले व्यवस्था गरे अनुसार नै स्थानीय र प्रदेश सरकारलाई अधिकार दिनु पर्ने उहाले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्