धनगढी प्रिमियर लिग : महेन्द्रनगरले अत्तरियालाई सात विकेटले हरायो

फागुन ५, २०७५ आइतबार १३:७:१० | उज्यालो सहकर्मी

धनगढी प्रिमियर लिगमा महेन्द्रनगरले पहिलो जित निकालेको छ । आज भएको खेलमा महेन्द्रनगरले अत्तरियालाई सात विकेटले हरायो ।

फाप्ला क्रिकेट मैदानमा बर्षाका कारण आउटफिल्ड गिलो भएपछि खेल दुई घण्टा गरि ढिलो भएको खेल ६ ओभरमा झारिएको थियो । जसमा अत्तरीयाले ५ विकेट गुमाउदै ५४ रन बनायो ।

मध्यम सुरुवात गरेको उसले पहिलो विकेटकालागि ३० रनको साझेदारी गरेको थियो । अत्तरीयाका सन्नी पटेलले १९ तथा जयकशिन कोल्शावालाले १० रन बनाए । यस्तै सन्दीप जोरा मात्र चार रनमा आउट भए भने कमलसिंह ऐरीले खाता खोल्न सकेनन् । यस्तै कप्तान दिपेन्द्र ऐरी पनि मात्र १० रनमा आउट भए । बलिङमा अभिनाश बोहरा र सागर ढकालले दुई दुई विकेट लिए ।

जवाफमा महेन्द्रनगर पाँच ओभर चार बलमा तीन विकेट गुमाउँदै पूरा गर्‍याे ।

मात्र १४ रन हुँदा पहिलो विकेट गुमाएको महेन्द्रनगरका ओपनर मोहम्मद नाभिद ६ रनमा आउट भए । त्यसपछि कप्तान शरद भेषवाकर पनि मात्र ५ रनमा आउट भएपछि महेन्द्रनगरले २७ रनमा दोस्रो विकेट खेर फाल्यो । त्यसपछि सुब्रमनियम आनन्दपनि १७ रनमा आउट भएपछि महेन्द्रनगरले ३२ रनमा तेस्रो विकेट गुमायो ।

यो जितसँगै अत्तरियाले दुई खेल अगाडी नै प्लेअफमा पुग्ने मौका गुमायो भने महेन्द्रनगरले शीर्ष चारको सम्भावना कायमै राखेको छ । अत्तरियाका लागि भुवन कार्मीले दुई विकेट लिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्