हेलिकप्टर दुर्घटना : मृतकका परिवारलाई आर्थिक सहयोग गर्न सरकारलाई नेकपाको आग्रह

फागुन १६, २०७५ बिहीबार १५:१६:४० | उज्यालो सहकर्मी

काठमाण्डौ – ताप्लेजुङमा बुधबार भएको हेलिकप्टर दुर्घटनामा परि निधन भएका परिवारलाई आर्थिक सहयोग गर्न सत्तारूढ दल नेपाल कम्युनिष्ट पार्टी (नेकपा)ले सरकारलाई आग्रह गरेको छ ।

बिहीबार बसेको नेकपाको सचिवालय बैठकले परिवारको आर्थिक स्थिति र आवश्यकता हेरेर उपयुक्त सहयोग गर्न सरकारलाई आग्रह गर्ने निर्णय गरेको पार्टीका प्रवक्ता नारायणकाजी श्रेष्ठ (प्रकाश)ले जानकारी दिनुभयो ।

हेलिकप्टर दुर्घटनामा निधन भएका संस्कृति, पर्यटन तथा नागरिक उड्डयन मन्त्री रवीन्द्र अधिकारीको शव पोष्टमर्टम सकिएपछि श्रद्धाञ्जलीका लागि टुँडिखेलमा राख्ने निर्णय पनि गरेको छ ।

यस्तै सत्तारुढ नेकपाले मन्त्री अधिकारीको निधनको शोकमा देशैभरका पार्टी कार्यालयमा आज पार्टीको झण्डा आधा झन्डा झुकाउनुका साथै तीन दिनसम्म पार्टी कार्यालयमा शोक पुस्तिका राख्ने निर्णय गरेको प्रवक्ता श्रेष्ठले बताउनुभयो ।

यस्तै नेकपाले फागुन २३ गते केन्द्रीय स्तरमा श्रद्धाञ्जली कार्यक्रम गर्ने निर्णय पनि गरेको उहाँले बताउनुभयो ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्